aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sair-e-kashmir ka ek tassur

Jagan Nath Azad

sair-e-kashmir ka ek tassur

Jagan Nath Azad

MORE BYJagan Nath Azad

    'āzād'! zarā dekh ye ālam-e-arzañg

    mausam ke ye andāz bahāroñ ke ye nairañg

    ye husn, ye tartīb, ye taz.īn ye āhañg

    dāmān-e-ḳhirad chaak hai dāmān-e-nazar tañg

    har zarra hai dāman meñ liye tuur duniyā

    har baat meñ ik baat hai har rañg meñ sau rañg

    ai rūh-e-bashar! tujh se haiñ donoñ mutakallim

    sabze ḳhamoshī hai ki jharnoñ hai āhañg

    ab chhoḌ bhī afsurdagī apnī dil-e-nādāñ

    ab phuul bhī ho khil ke ai ġhuncha-e-dil-tañg

    har shai se huvaidā hai jhalak husn-e-azal

    zarra hai ki taara hai shagūfa hai ki hai sañg

    sab aks tire aks haiñ ai sūrat-e-pinhāñ

    sab rañg tire rañg haiñ ai hasti-e-be-rañg

    ai dekhne vālo! ye zarā baat to dekho

    patte haiñ shafaq-rañg to patthar haiñ saman-rañg

    sab kuchh ye bajā hai magar ai husn-e-gurezāñ

    ai ki tirī chaal pe qurbāñ jaman o gañg

    is raah meñ gar saath tirā ho na mayassar

    liddar faqat āvāz hai gul-marg faqat rañg

    'azad'! zara dekh tu ye aalam-e-arzang

    mausam ke ye andaz bahaaron ke ye nairang

    ye husn, ye tartib, ye tazin ye aahang

    daman-e-KHirad chaak hai daman-e-nazar tang

    har zarra hai daman mein liye tur ki duniya

    har baat mein ek baat hai har rang mein sau rang

    ai ruh-e-bashar! tujh se hain donon mutakallim

    sabze ki KHamoshi hai ki jharnon ka hai aahang

    ab chhoD bhi afsurdagi apni dil-e-nadan

    ab phul bhi ho khil ke tu ai ghuncha-e-dil-tang

    har shai se huwaida hai jhalak husn-e-azal ki

    zarra hai ki tara hai shagufa hai ki hai sang

    sab aks tere aks hain ai surat-e-pinhan

    sab rang tere rang hain ai hasti-e-be-rang

    ai dekhne walo! ye zara baat to dekho

    patte hain shafaq-rang to patthar hain saman-rang

    sab kuchh ye baja hai magar ai husn-e-gurezan

    ai tu ki teri chaal pe qurban jaman o gang

    is rah mein gar sath tera ho na mayassar

    liddar faqat aawaz hai gul-marg faqat rang

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now