یہ ہے وہ گڑیا
آفت کی پڑیا
سلمیٰ نے جس کو
بیٹی بنایا
یہ ہے وہ چوہا
بھورا لنڈورا
بھوکا چٹورا
گڑیا کو جس نے
چوٹیا سے کھینچا
پنجوں میں بھینچا
گڑیا وہ گڑیا
آفت کی پڑیا
سلمیٰ نے جس کو
بیٹی بنایا
یہ ہے وہ بلی
موٹی مٹلی
آنکھوں پہ جس کی
چھائی تھی جھلی
نو سو وہ چوہے
کھا کر چلی تھی
حج کر کے پلٹی
چوہے کو دیکھا
للچائی جی میں
توبہ کو توڑا
آنگن میں رپٹی
چوہے پہ جھپٹی
چوہا بنا وہ
بس اک نوالہ
تھی نا وہ آخر
چوہوں کی خالہ
چوہا وہ چوہا
بھورا لنڈورا
بھوکا چٹورا
گڑیا کو جس نے
چوٹیا سے کھینچا
پنجوں میں بھینچا
گڑیا وہ گڑیا
آفت کی پڑیا
سلمیٰ نے جس کو
بیٹی بنایا
یہ ہے وہ کتا
کالا کلوٹا
خوں خار نظریں
کھجلی کا مارا
بلی کو جس نے
آ کے دبوچا
اور پھر رگیدا
اور پھر بھنبھوڑا
بلی وہ بلی
موٹی مٹلی
آنکھوں پہ جس کی
چھائی تھی جھلی
نو سو وہ چوہے
کھا کر چلی تھی
حج کر کے پلٹی
چوہے کو دیکھا
للچائی جی میں
توبہ کو توڑا
آنگن میں رپٹی
چوہے پہ جھپٹی
چوہا بنا وہ
بس اک نوالہ
تھی نہ وہ آخر
چوہوں کی خالہ
چوہا وہ چوہا
بھورا لنڈورا
بھوکا چٹورا
گڑیا کو جس نے
چوٹیا سے کھینچا
گڑیا وہ گڑیا
آفت کی پڑیا
بیٹی بنایا
یہ ہے وہ گائے
بپھری سی ہائے
اللہ بچائے
ہیں سینگ جس کے
تیز اور نکیلے
کتے کو جس نے
سینگوں میں اپنے
لے کے اچھالا
دھرتی پہ پٹخا
سر اس کا چٹخا
کتا وہ کتا
کالا کلوٹا
خوں خار نظریں
کھجلی کا مارا
بلی کو جس نے
آ کے دبوچا
اور پھر رگیدا
اور پھر بھنبھوڑا
بلی وہ بلی
موٹی اور مٹلی
آنکھوں پہ جس کی
چھائی تھی جھلی
نو سو وہ چوہے
کھا کر چلی تھی
حج کر کے پلٹی
چوہے کو دیکھا
للچائی جی میں
توبہ کو توڑا
آنگن میں رپٹی
چوہے پہ جھپٹی
چوہا بنا وہ
بس اک نوالہ
تھی نا وہ آخر
چوہوں کی خالہ
چوہا وہ چوہا
بھورا لنڈورا
بھوکا چٹورا
گڑیا کو جس نے
چوٹیا سے کھینچا
پنجوں میں بھینچا
گڑیا وہ گڑیا
آفت کی پڑیا
سلمیٰ نے جس کو
بیٹی بنایا
مأخذ:
چاند تارا (Pg. 37)
- مصنف: غلام عباس
-
- ناشر: کتاب پرائیویٹ لمیٹڈ، کراچی
- سن اشاعت: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
