sang-abaad ki ek dukan

Shaz Tamkanat

sang-abaad ki ek dukan

Shaz Tamkanat

MORE BYShaz Tamkanat

    sang-ābād meñ kyā maiñ ne dukāñ kholī hai

    log hairat-zada aate haiñ chale jaate haiñ

    ik ḳharīdār ne pūchhā ki sabab kyā to zabāñ kholī hai

    ye hai qarnoñ se khaḌā soch āvāz but

    koī vijdān mausam koī ilhām rut

    jab bhī aa.egī ye degā koī nādīda surāġh

    aap idhar aañkh uThā.eñ to dikhā.ī degā

    shīsha-e-lamha hai ye jis meñ hai sadiyoñ sharāb

    saañs ke gamloñ meñ ye umr-e-do-roza ke gulāb

    jhaaḌ fānūs haiñ taḳh.īl ke raushan haiñ charāġh

    āñdhiyāñ aa.eñ to ye aañkh malā karte haiñ

    roġhan-e-fikr hiddat se jalā karte haiñ

    ġhaur se dekhiye kyā kyā na sujhā.ī degā

    dar-o-dīvār pe peshāniyāñ zaḳhm-ālūda

    sajde mehrāboñ meñ ārāmīda o āsūda

    kāñch taaq hai ye jis meñ hai armāñ qatār

    ye jo alfāz khilaunoñ tarah haiñ in

    chābiyāñ nit-na.e mafhūm miltī haiñ hazār

    ye hai ehsās gul-dāñ ki haiñ kaliyāñ jis meñ

    jab ye chaTkeñ to chhaTī his zarūrat hogī

    ye vo tasvīr hai āñkhoñ zabāñ hai jis

    vo paḌegā jise taufīq-e-basīrat hogī

    nā-farīda hai ye duniyā magar ik ḳhāka hai

    ḳhair-o-shar hoñge magar sūrat-e-hālāt judā

    nek-o-bad na.ī farhañg murattab hogī

    roz-o-shab hoñge yahī sub.h alag raat judā

    kyā kahā aap ne vo kaun hai! patthar tarah

    vo koī jins nahīñ hai ki jo bechī jaa.e

    aks-e-zinda hai vo merā na koī chhū paa.e

    vo isī aas pe jiitā hai ye sab bikhrā.e

    koī gāhak idhar aa.egā payambar tarah

    sang-abaad mein kya main ne dukan kholi hai

    log hairat-zada aate hain chale jate hain

    ek KHaridar ne puchha ki sabab kya to zaban kholi hai

    ye hai qarnon se khaDa soch ki aawaz ka but

    koi wijdan ka mausam koi ilham ki rut

    jab bhi aaegi ye dega koi nadida suragh

    aap idhar aankh uThaen to dikhai dega

    shisha-e-lamha hai ye jis mein hai sadiyon ki sharab

    sans ke gamlon mein ye umr-e-do-roza ke gulab

    jhaD fanus hain taKHil ke raushan hain charagh

    aandhiyan aaen to ye aankh mala karte hain

    roghan-e-fikr ki hiddat se jala karte hain

    ghaur se dekhiye kya kya na sujhai dega

    dar-o-diwar pe peshaniyan zaKHm-aluda

    sajde mehrabon mein aaramida o aasuda

    kanch ka taq hai ye jis mein hai arman ki qatar

    ye jo alfaz khilaunon ki tarah hain in ki

    chabiyan nit-nae mafhum ki milti hain hazar

    ye hai ehsas ka gul-dan ki hain kaliyan jis mein

    jab ye chaTken to chhaTi his ki zarurat hogi

    ye wo taswir hai aankhon ki zaban hai jis ki

    wo paDega jise taufiq-e-basirat hogi

    na-farida hai ye duniya magar ek KHaka hai

    KHair-o-shar honge magar surat-e-haalat juda

    nek-o-bad ki nai farhang murattab hogi

    roz-o-shab honge yahi subh alag raat juda

    kya kaha aap ne wo kaun hai! patthar ki tarah

    wo koi jins nahin hai ki jo bechi jae

    aks-e-zinda hai wo mera na koi chhu pae

    wo isi aas pe jita hai ye sab bikhrae

    koi gahak idhar aaega payambar ki tarah

    Source :
    • Book : Urdu-1983 (Pg. 159)
    • Author : Nand Kishore Vikram
    • Publication : Publisher & Advertisers J-6, Krishan Nagar, Delhi-110051 (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY