Sar-guzisht-e-adam

Allama Iqbal

Sar-guzisht-e-adam

Allama Iqbal

MORE BYAllama Iqbal

    Interesting Fact

    First Part: till 1905 (Bang-e-Dara)

    sune koī mirī ġhurbat dāstāñ mujh se

    bhulāyā qissa-e-paimān-e-avvalīñ meñ ne

    lagī na merī tabī.at riyāz-e-jannat meñ

    piyā shu.ūr jab jām-e-ātishīñ maiñ ne

    rahī haqīqat-e-ālam justujū mujh ko

    dikhāyā auj-e-ḳhayāl-e-falak-nashīñ maiñ ne

    milā mizāj-e-taġhayyur-pasand kuchh aisā

    kiyā qarār na zer-e-falak kahīñ maiñ ne

    nikālā kaabe se patthar mūratoñ ko kabhī

    kabhī butoñ ko banāyā haram-nashīñ maiñ ne

    kabhī maiñ zauq-e-takallum meñ tuur par pahuñchā

    chhupāyā nūr-e-azl zer-e-āstīñ maiñ ne

    kabhī salīb pe apnoñ ne mujh ko laTkāyā

    kiyā falak ko safar chhoḌ kar zamīñ maiñ ne

    kabhī maiñ ġhār-e-hirā meñ chhupā rahā barsoñ

    diyā jahāñ ko kabhī jām-e-āḳhrīñ maiñ ne

    sunāyā hind meñ aa kar surūd-e-rabbānī

    pasand kabhī yūnāñ sarzamīñ maiñ ne

    dayār-e-hind ne jis dam mirī sadā na sunī

    basāyā ḳhitta-e-jāpān o mulk-e-chīñ maiñ ne

    banāyā zarroñ tarkīb se kabhī aalam

    ḳhilāf-e-ma.ani-e-tālīm-e-ahl-e-dīñ maiñ ne

    lahū se laal kiyā saikḌoñ zamīnoñ ko

    jahāñ maiñ chheḌ ke paikār-e-aql-o-dīñ maiñ ne

    samajh meñ aa.ī haqīqat na jab sitāroñ

    isī ḳhayāl meñ rāteñ guzār diiñ maiñ ne

    Darā sakīñ na kalīsā mujh ko talvāreñ

    sikhāyā mas.ala-e-gardish-e-zamīñ maiñ ne

    kashish raaz huvaidā kiyā zamāne par

    lagā ke ā.īna-e-aql-e-dūr-bīñ maiñ ne

    kiyā asiir shuāoñ ko barq-e-muztar ko

    banā ġhairat-e-jannat ye sarzamīñ maiñ ne

    magar ḳhabar na milī aah rāz-e-hastī

    kiyā ḳhirad se jahāñ ko tah-e-nagīñ maiñ ne

    huī jo chashm-e-mazāhir-parast āḳhir

    to paayā ḳhāna-e-dil meñ use makīñ maiñ ne

    sune koi meri ghurbat ki dastan mujh se

    bhulaya qissa-e-paiman-e-awwalin mein ne

    lagi na meri tabiat riyaz-e-jannat mein

    piya shuur ka jab jam-e-atishin main ne

    rahi haqiqat-e-alam ki justuju mujh ko

    dikhaya auj-e-KHayal-e-falak-nashin main ne

    mila mizaj-e-taghayyur-pasand kuchh aisa

    kiya qarar na zer-e-falak kahin main ne

    nikala kabe se patthar ki muraton ko kabhi

    kabhi buton ko banaya haram-nashin main ne

    kabhi main zauq-e-takallum mein tur par pahuncha

    chhupaya nur-e-azl zer-e-astin main ne

    kabhi salib pe apnon ne mujh ko laTkaya

    kiya falak ko safar chhoD kar zamin main ne

    kabhi main ghaar-e-hira mein chhupa raha barson

    diya jahan ko kabhi jam-e-aKHrin main ne

    sunaya hind mein aa kar surud-e-rabbani

    pasand ki kabhi yunan ki sarzamin main ne

    dayar-e-hind ne jis dam meri sada na suni

    basaya KHitta-e-japan o mulk-e-chin main ne

    banaya zarron ki tarkib se kabhi aalam

    KHilaf-e-mani-e-talim-e-ahl-e-din main ne

    lahu se lal kiya saikDon zaminon ko

    jahan main chheD ke paikar-e-aql-o-din main ne

    samajh mein aai haqiqat na jab sitaron ki

    isi KHayal mein raaten guzar din main ne

    Dara sakin na kalisa ki mujh ko talwaren

    sikhaya masala-e-gardish-e-zamin main ne

    kashish ka raaz huwaida kiya zamane par

    laga ke aaina-e-aql-e-dur-bin main ne

    kiya asir shuaon ko barq-e-muztar ko

    bana di ghairat-e-jannat ye sarzamin main ne

    magar KHabar na mili aah raaz-e-hasti ki

    kiya KHirad se jahan ko tah-e-nagin main ne

    hui jo chashm-e-mazahir-parast wa aaKHir

    to paya KHana-e-dil mein use makin main ne

    RECITATIONS

    Nomaan Shauque

    Nomaan Shauque

    Nomaan Shauque

    Sar-guzisht-e-adam Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY