sawali

Yusuf Zafar

sawali

Yusuf Zafar

MORE BYYusuf Zafar

    guzar rahe haiñ barābar tabāhiyoñ ke julūs

    ye zindagī ke musāfir kahāñ chale jaa.eñ

    ye ishtihār ġhamoñ ke alam tasvīreñ

    ye zindagī hai nahīñ gard-e-zindagī bhī nahīñ

    javāñ umīdeñ fazā.e-hayāt se māyūs

    tanūr siine īñdhan haiñ vo tamannā.eñ

    jalī hurūf meñ ye hādsoñ tahrīreñ

    ki jin se dil ke añdhere meñ kuchh kamī bhī nahīñ

    ye aadmī haiñ nahīñ bebasī taqrīreñ

    bapā hai hashr magar aañkh dekhtī bhī nahīñ

    guzar rahe the vo hastī ke mujrimān-e-azal

    qadam baḌhā.e hue maiñ kahāñ chalā aayā

    jinheñ bahisht rāhat bhī sāzgār na thī

    sulagtī paanī meñ sūraj laash vo Duubī

    vo zindagī ke musāfir vo ham-rahān-e-ajal

    fazā meñ phail gayā tīrgī sarmāya

    guzar ga.e ki unheñ maut nāgavār na thī

    falak pe jaagī sitāroñ shān-e-mahbūbī

    vo rahguzār mire dil rahguzār na thī

    ubal paḌe mirī āñkhoñ se ġham ke aañsū bhī

    sukūt-e-shab hai kamāl-e-sukūn hai paidā

    ye chāhtā huuñ yūñhī be-sabab chalā jā.ūñ

    sukūn-e-shab se ye dil meñ ḳhayāl aatā hai

    vo zindagī hai kahāñ jis ko saath le jā.ūñ

    vo zindagī hai kahāñ jis ko saath le jā.ūñ

    guzar rahe hain barabar tabahiyon ke julus

    ye zindagi ke musafir kahan chale jaen

    ye ishtihaar ghamon ke alam ki taswiren

    ye zindagi hai nahin gard-e-zindagi bhi nahin

    jawan umiden fazae-hayat se mayus

    tanur sine ka indhan hain wo tamannaen

    jali huruf mein ye hadson ki tahriren

    ki jin se dil ke andhere mein kuchh kami bhi nahin

    ye aadmi hain nahin bebasi ki taqriren

    bapa hai hashr magar aankh dekhti bhi nahin

    guzar rahe the wo hasti ke mujriman-e-azal

    qadam baDhae hue main kahan chala aaya

    jinhen bahisht ki rahat bhi sazgar na thi

    sulagti pani mein suraj ki lash wo Dubi

    wo zindagi ke musafir wo ham-rahan-e-ajal

    faza mein phail gaya tirgi ka sarmaya

    guzar gae ki unhen maut nagawar na thi

    falak pe jagi sitaron ki shan-e-mahbubi

    wo rahguzar mere dil ki rahguzar na thi

    ubal paDe meri aankhon se gham ke aansu bhi

    sukut-e-shab hai kamal-e-sukun hai paida

    ye chahta hun yunhi be-sabab chala jaun

    sukun-e-shab se ye dil mein KHayal aata hai

    wo zindagi hai kahan jis ko sath le jaun

    wo zindagi hai kahan jis ko sath le jaun

    Source:

    • Book : sheerazah (Pg. 73)
    • Author : makhmoor saeedi,Parem Gopal Mittal
    • Publication : P -K Publication 3072 Partap stareet gola Market -Daryaganj delhi-6 (1973)
    • Edition : 1973
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY