شفق
ہو گئی شام اور سورج ڈوبا
پچھم میں ہے آگ کا گولا
رنگ شفق سے ایسا برسا
سرخ ہوئے جنگل اور دریا
رنگ ترا ہے شام کا دامن
پھول بنا ہے شام کا دامن
واہ شفق کیا رنگ بھری ہے
سرخ پری ہے سرخ پری ہے
شام کی گودی میں بیٹھی ہے
لال چندریا اوڑھ رہی ہے
اس کو اپنے پاس بلا لوں
اپنی سہیلی اس کو بنا لوں
آ میری رنگین شفق آ
آ جا میری گود میں آ جا
رنگ ترا ہے کتنا پیارا
جیسے ہو اماں کا دوپٹہ
اے ملکہ اے شام کی بیٹی
رنگوں کی تو ہے شہزادی
ٹب میں پانی خوب بھرا ہے
ابا نے یہ بھروایا ہے
اس میں تیرا رتھ اترا ہے
چاند ترا رتھ کھینچ رہا ہے
روک لے رتھ کو اور اتر آ
آج سہیلی میری بن جا
مأخذ:
بادہ مشرق (Pg. 450)
- مصنف: ساغر نظامی
-
- ناشر: ادبی مرکز، پانی پت
- سن اشاعت: 1935
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
