shama aur main

mere bistar ke paas

piilī piilī

idhar jal rahī hai jo ik mom-battī

usī kī laraztī huī raushnī meñ

maiñ qasdan kitāb ek paḌhne kī koshish meñ huuñ

achānak se kāñptā vo sho.ala

merī bedār āñkhoñ ko mar.ūb kartā hai aise

ki maiñ us ke is naach meñ

aur pighle hue mom meñ mahv ho jaatī huuñ

jo pighle hue mom ke gird be-tarah shakleñ banāne meñ mashġhūl hai

der tak maiñ use dekhtī huuñ

yahāñ tak ki pighle hue mom ke sivā kuchh bhī bachtā nahīñ hai

maiñ chhup jaatī huuñ lambe pardoñ ke biich

aur takiye pe sar rakh ke

us mom-battī ke baare meñ phir sochtī huuñ

jo baaqī hai

aur apne jīvan ke baare meñ bhī jo ki hai

savāl uThtā hai ki merī zindagī bhī is tarah

kuchh der tak jaltī jaltī chamaktī huī ḳhatm ho jā.egī

ain mumkin hai aisā hī ho

aur mission merā puurā to ho jā.egā

agar ye faqat chand ghanTe jale aur dūsroñ ke liye

kuchh chamak aur damak bhī muhayyā kar le

mere bistar ke pas

pili pili

idhar jal rahi hai jo ek mom-batti

usi ki larazti hui raushni mein

main qasdan kitab ek paDhne ki koshish mein hun

achanak se kanpta wo shoala

meri bedar aankhon ko marub karta hai aise

ki main us ke is nach mein

aur pighle hue mom mein mahw ho jati hun

jo pighle hue mom ke gird be-tarah shaklen banane mein mashghul hai

der tak main use dekhti hun

yahan tak ki pighle hue mom ke siwa kuchh bhi bachta nahin hai

main chhup jati hun lambe pardon ke bich

aur takiye pe sar rakh ke

us mom-batti ke bare mein phir sochti hun

jo baqi hai

aur apne jiwan ke bare mein bhi jo ki hai

sawal uThta hai ki meri zindagi bhi is tarah

kuchh der tak jalti jalti chamakti hui KHatm ho jaegi

ain mumkin hai aisa hi ho

aur mission mera pura to ho jaega

agar ye faqat chand ghanTe jale aur dusron ke liye

kuchh chamak aur damak bhi muhayya kar le