shora-e-pakistan ka KHair-maqdam

Arsh Malsiyani

shora-e-pakistan ka KHair-maqdam

Arsh Malsiyani

MORE BYArsh Malsiyani

    Interesting Fact

    (This Nazm was recited at the Indo-Pak Mushaira in Delhi)

    ye vaqt nahīñ qissa-e-muhtāj-o-ġhanī

    ye vaqt nahīñ dil-dahī-o-dil-shikanī

    ye vaqt nahīñ shikva-e-duniyā-e-danī

    ai ham-suḳhano vaqt hai ye ham-suḳhanī

    kab tak ye rahegā ki raho ham se judā tum

    ham tum se idhar aur udhar ham se ḳhafā tum

    ye sach hai ki taqsīm huā mulk hamārā

    ye sach hai ki ūñchā huā nafrat sitārā

    ye sach hai ki nafrat huā aam ijārā

    ye sach hai ki nafrat ne adāvat ubhārā

    ham tum meñ jo rishta hai vo kab TuuT sakegā

    dāman jo adab hai vo kab chhūT sakegā

    ai ham-suḳhano asal meñ rahbar to hamīñ haiñ

    māyūs ḳhalā.iq ke payambar to hamīñ haiñ

    jo auj pe rahte haiñ vo aḳhtar to hamīñ haiñ

    mai-pāsh jo sab par haiñ vo sāġhar to hamīñ haiñ

    ham chāheñ to sikka haq-o-insāf chal jaa.e

    ham chāheñ to taqdīr-e-umam pal meñ badal jaa.e

    paimān-e-adab bāñdh ke ik umr guzārī

    ham sher ke ḳhādim haiñ mohabbat ke pujārī

    vābasta adab se hai har ik baat hamārī

    karne do jo karte haiñ siyāsat ke madārī

    jo fikr meñ hai lutf firāsat meñ nahīñ hai

    jo sher meñ jaadū hai siyāsat meñ nahīñ hai

    ye waqt nahin qissa-e-muhtaj-o-ghani ka

    ye waqt nahin dil-dahi-o-dil-shikani ka

    ye waqt nahin shikwa-e-duniya-e-dani ka

    ai ham-suKHano waqt hai ye ham-suKHani ka

    kab tak ye rahega ki raho hum se juda tum

    hum tum se idhar aur udhar hum se KHafa tum

    ye sach hai ki taqsim hua mulk hamara

    ye sach hai ki uncha hua nafrat ka sitara

    ye sach hai ki nafrat ka hua aam ijara

    ye sach hai ki nafrat ne adawat ka ubhaara

    hum tum mein jo rishta hai wo kab TuT sakega

    daman jo adab ka hai wo kab chhuT sakega

    ai ham-suKHano asal mein rahbar to hamin hain

    mayus KHalaiq ke payambar to hamin hain

    jo auj pe rahte hain wo aKHtar to hamin hain

    mai-pash jo sab par hain wo saghar to hamin hain

    hum chahen to sikka haq-o-insaf ka chal jae

    hum chahen to taqdir-e-umam pal mein badal jae

    paiman-e-adab bandh ke ek umr guzari

    hum sher ke KHadim hain mohabbat ke pujari

    wabasta adab se hai har ek baat hamari

    karne do jo karte hain siyasat ke madari

    jo fikr mein hai lutf firasat mein nahin hai

    jo sher mein jadu hai siyasat mein nahin hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY