sunao mujhe bhi ek latifa

chup kyuuñ ho jaate ho mujhe dekh kar

sunāo mujhe bhī

ek latīfa

merī sinf ke baare meñ

merī sinf ke baare meñ

tumhārī latīfoñ kī zambīl

umr o ayyār kī zambīl jaisī hai

nikālo koī nayā yā sadiyoñ purānā latīfa

mahfūz karo mujhe

jaise tum karte ho ek dūsre ko

medical college meñ murda jismoñ kī chiir phaaḌ karte hue

stock exchange meñ kārobār karte hue

yā ḳhātūn siyāsatdānoñ ke bāloñ ke andāz kā tajziya karte hue

chup kyuuñ ho jaate ho mujhe dekh kar

sunāo mujhe bhī

ek latīfa

taaki maiñ hañsūñ

aur taraqqī kar sakūñ tumhārī duniyā meñ

phir banā sakūñ

tumhāre baare meñ

latīfoñ kī zambīl

umr o ayyār kī zambīl kī tarah

aur sunāyā karūñ unheñ

sirf apnī sinf ke girohoñ meñ

aur chup ho jaayā karūñ

jab ġhalatī se tum dāḳhil ho jaao

medical college meñ

stock exchange meñ

hamārī pārlemān meñ

chup kyun ho jate ho mujhe dekh kar

sunao mujhe bhi

ek latifa

meri sinf ke bare mein

meri sinf ke bare mein

tumhaari latifon ki zambil

umr o ayyar ki zambil jaisi hai

nikalo koi naya ya sadiyon purana latifa

mahfuz karo mujhe

jaise tum karte ho ek dusre ko

medical college mein murda jismon ki chir phaD karte hue

stock exchange mein karobar karte hue

ya KHatun siyasatdanon ke baalon ke andaz ka tajziya karte hue

chup kyun ho jate ho mujhe dekh kar

sunao mujhe bhi

ek latifa

taki main hansun

aur taraqqi kar sakun tumhaari duniya mein

phir bana sakun

tumhaare bare mein

latifon ki zambil

umr o ayyar ki zambil ki tarah

aur sunaya karun unhen

sirf apni sinf ke girohon mein

aur chup ho jaya karun

jab ghalati se tum daKHil ho jao

medical college mein

stock exchange mein

hamari parleman mein