سناؤ مجھے بھی ایک لطیفہ
چپ کیوں ہو جاتے ہو مجھے دیکھ کر
سناؤ مجھے بھی
ایک لطیفہ
میری صنف کے بارے میں
میری صنف کے بارے میں
تمہاری لطیفوں کی زنبیل
عمر و عیار کی زنبیل جیسی ہے
نکالو کوئی نیا یا صدیوں پرانا لطیفہ
محفوظ کرو مجھے
جیسے تم کرتے ہو ایک دوسرے کو
میڈیکل کالج میں مردہ جسموں کی چیر پھاڑ کرتے ہوئے
اسٹاک ایکسچینج میں کاروبار کرتے ہوئے
یا خاتون سیاستدانوں کے بالوں کے انداز کا تجزیہ کرتے ہوئے
چپ کیوں ہو جاتے ہو مجھے دیکھ کر
سناؤ مجھے بھی
ایک لطیفہ
تاکہ میں ہنسوں
اور ترقی کر سکوں تمہاری دنیا میں
پھر بنا سکوں
تمہارے بارے میں
لطیفوں کی زنبیل
عمر و عیار کی زنبیل کی طرح
اور سنایا کروں انہیں
صرف اپنی صنف کے گروہوں میں
اور چپ ہو جایا کروں
جب غلطی سے تم داخل ہو جاؤ
میڈیکل کالج میں
اسٹاک ایکسچینج میں
ہماری پارلیمان میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
