Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

suraj garhan

Nakhshab Jaarchawi

suraj garhan

Nakhshab Jaarchawi

MORE BYNakhshab Jaarchawi

    ho rahā hai ye nizām-e-dahr meñ kyā inqalāb

    aaj mashriq meñ Duubā rahā hai āftāb

    chhā ga.ī afsurdagī aisī dar-o-dīvār par

    yūrish-e-zulmat ho jaise matla-e-anvār par

    raushnī kam ho chalī nazzāre ghabrāne lage

    aaj din meñ ḳhalq ko taare nazar aane lage

    Duubā jaatā hai nazar ke sāmne gurdoñ dil

    aarzū meñ be-sar-o-pā haiñ nigāheñ muzmahil

    ghultā jaatā hai sahar ke vaqt qurs-e-āftāb

    be-sabātī muamma ho rahā hai be-naqāb

    ab nizām-e-charḳh kaj-raftār barham ho gayā

    yak-ba-yak duniyā kārobār maddham ho gayā

    imtihāñ vaqt hai sūraj gahan meñ aa gayā

    donoñ aalam fazāoñ par dhuñdalkā chhā gayā

    dast-e-fitrat nai-navāz-e-naġhma-e-ḳhāmosh hai

    hairatoñ naqsh lauh-e-dil se ham-āġhosh hai

    zindagī meñ ek aisā daur aatā hai zarūr

    bār-e-ġham se jab sukūñ TuuT jaatā hai ġhurūr

    mushkileñ zevar haiñ husn-e-zindagānī ke liye

    ranj-o-ġham ġhāza haiñ rū-e-shādmānī ke liye

    vaqt garmī galā detī hai lohā aas

    aarzū ke ḳhuun se rangīñ hai paikar yaas

    sāz-e-itmīnān se aatī hai mātam sadā

    ek ruḳh par rah nahīñ saktī zamāne havā

    vaqt talvār har zaḳhm khānā chāhiye

    mard ko dushvāriyoñ meñ muskurānā chāhiye

    ho raha hai ye nizam-e-dahr mein kya inqalab

    aaj mashriq hi mein Duba ja raha hai aaftab

    chha gai afsurdagi aisi dar-o-diwar par

    yurish-e-zulmat ho jaise matla-e-anwar par

    raushni kam ho chali nazzare ghabrane lage

    aaj din mein KHalq ko tare nazar aane lage

    Duba jata hai nazar ke samne gurdon ka dil

    aarzu mein be-sar-o-pa hain nigahen muzmahil

    ghulta jata hai sahar ke waqt qurs-e-aftab

    be-sabaati ka muamma ho raha hai be-naqab

    ab nizam-e-charKH kaj-raftar barham ho gaya

    yak-ba-yak duniya ka karobar maddham ho gaya

    imtihan ka waqt hai suraj gahan mein aa gaya

    donon aalam ki fazaon par dhundalka chha gaya

    dast-e-fitrat nai-nawaz-e-naghma-e-KHamosh hai

    hairaton ka naqsh lauh-e-dil se ham-aghosh hai

    zindagi mein ek aisa daur aata hai zarur

    bar-e-gham se jab sukun ka TuT jata hai ghurur

    mushkilen zewar hain husn-e-zindagani ke liye

    ranj-o-gham ghaza hain ru-e-shadmani ke liye

    waqt ki garmi gala deti hai loha aas ka

    aarzu ke KHun se rangin hai paikar yas ka

    saz-e-itminan se aati hai matam ki sada

    ek ruKH par rah nahin sakti zamane ki hawa

    waqt ki talwar ka har zaKHm khana chahiye

    mard ko dushwariyon mein muskurana chahiye

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now