talluq bojh ban jae to

ḳhvāboñ kī rā.egānī kā andāza kis ko hai

ab dil kī dhaḌkanoñ ko diyā jaa.e kyā maqām

mānind-e-sham’ shab jo pighaltī hai zindagī

kyā shab kī karbnākī se dil legā aur kaam

rāh-e-junūñ pe chal ke shab-o-roz kyā milā

phir Dar bhī hai ki mujh se ḳhirad legī intiqām

maiñ ne tasavvurāt kī duniyā bhī chhoḌ dī

maiñ ne kisī kī yaad ko ḳhud pe kiyā harām

ab to sabhī ḳhutūt bhī ātish kī nazr haiñ

ab to mujhe chiḌhāte haiñ tere sabhī payām

achchhā huā ki tum se ta'āruf nahīñ rahā

behtar yahī hai rishte hue haiñ sabhī harām

duniyā meñ kitne log haiñ jin kā koī nahīñ

mujh ko bhī jiinā chāhiye un logoñ kī tarah

KHwabon ki raegani ka andaza kis ko hai

ab dil ki dhaDkanon ko diya jae kya maqam

manind-e-sham’ shab jo pighalti hai zindagi

kya shab ki karbnaki se dil lega aur kaam

rah-e-junun pe chal ke shab-o-roz kya mila

phir Dar bhi hai ki mujh se KHirad legi intiqam

main ne tasawwuraat ki duniya bhi chhoD di

main ne kisi ki yaad ko KHud pe kiya haram

ab to sabhi KHutut bhi aatish ki nazr hain

ab to mujhe chiDhate hain tere sabhi payam

achchha hua ki tum se ta'aruf nahin raha

behtar yahi hai rishte hue hain sabhi haram

duniya mein kitne log hain jin ka koi nahin

mujh ko bhi jina chahiye un logon ki tarah