talluq-o-taaruf

baat jab ḳhāmushī meñ hotī hai

baat is marhale par aa pahuñchī

parda-dārī ke uTh ga.e parde

un ke ruḳh tak nigāh jā pahuñchī

fāsla bhī hai kuchh rifāqat bhī

ye ta'alluq baḌā nirālā hai

guftugū dil kī dil se hai paiham

parda-e-rāz uThne vaalā hai

kuchh savāl-o-javāb hoñ ki na hoñ

dil kī baat un se ab kaheñ na kaheñ

ek sahar-āfrīñ tasavvur hai

aamne sāmne raheñ na raheñ

ye bhī hai ik milāp kā pahlū

ḳhāmushī baat hī kī sūrat hai

rāh-o-rasm un se āñkhoñ āñkhoñ meñ

ik mulāqāt hī kī sūrat hai

sad ham-āġhoshī-o-ham-āhangī

ye mulāqāt go ḳhayālī hai

is ta'alluq pe kyoñ nisār na hoñ

ye ta.āruf baḌā jamālī hai

baat jab KHamushi mein hoti hai

baat is marhale par aa pahunchi

parda-dari ke uTh gae parde

un ke ruKH tak nigah ja pahunchi

fasla bhi hai kuchh rifaqat bhi

ye ta'alluq baDa nirala hai

guftugu dil ki dil se hai paiham

parda-e-raaz uThne wala hai

kuchh sawal-o-jawab hon ki na hon

dil ki baat un se ab kahen na kahen

ek sahar-afrin tasawwur hai

aamne samne rahen na rahen

ye bhi hai ek milap ka pahlu

KHamushi baat hi ki surat hai

rah-o-rasm un se aankhon aankhon mein

ek mulaqat hi ki surat hai

sad ham-aghoshi-o-ham-ahangi

ye mulaqat go KHayali hai

is ta'alluq pe kyon nisar na hon

ye taaruf baDa jamali hai