تعلق و تعارف
بات جب خامشی میں ہوتی ہے
بات اس مرحلے پر آ پہنچی
پردہ داری کے اٹھ گئے پردے
ان کے رخ تک نگاہ جا پہنچی
فاصلہ بھی ہے کچھ رفاقت بھی
یہ تعلق بڑا نرالا ہے
گفتگو دل کی دل سے ہے پیہم
پردۂ راز اٹھنے والا ہے
کچھ سوال و جواب ہوں کہ نہ ہوں
دل کی بات ان سے اب کہیں نہ کہیں
ایک سحر آفریں تصور ہے
آمنے سامنے رہیں نہ رہیں
یہ بھی ہے اک ملاپ کا پہلو
خامشی بات ہی کی صورت ہے
راہ و رسم ان سے آنکھوں آنکھوں میں
اک ملاقات ہی کی صورت ہے
صد ہم آغوشی و ہم آہنگی
یہ ملاقات گو خیالی ہے
اس تعلق پہ کیوں نثار نہ ہوں
یہ تعارف بڑا جمالی ہے
مأخذ:
شفق رنگ آنسو (Pg. 122)
- مصنف: رشی پٹیالوی
-
- ناشر: جمال پرنٹنگ پریس، دہلی
- سن اشاعت: 1981
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
