taj-mahal

Mahshar Badayuni

taj-mahal

Mahshar Badayuni

MORE BYMahshar Badayuni

    INTERESTING FACT

    The first poem on Taj Mahal

    allāh maiñ ye taaj mahal dekh rahā huuñ

    pahlū-e-jamunā meñ kañval dekh rahā huuñ

    ye shaam zulfoñ meñ simaTte hue anvār

    firdaus-e-nazar tāj-mahal ke dar-o-dīvār

    aflāk se kāhkashāñ TuuT paḌī hai

    koī hasīna hai ki be-parda khaḌī hai

    is ḳhaak se phūTī hai zuleḳhā javānī

    chaah se niklā hai koī yūsuf-e-sānī

    gul-dasta-e-rañgīñ kaf-e-sāhil pe dharā hai

    billor sāġhar hai ki sahbā se bharā hai

    āġhosh-e-tajallī meñ nazar soī huī hai

    shaam ke zaanū pe sahar soī huī hai

    bar-lab-e-jamunā koī doshīza nahā kar

    baiThī hai takalluf se adāoñ ko churā kar

    Thahrī huī husn ke markaz pe nazar hai

    vaqt ke hāthoñ meñ garebān-e-sahar hai

    koī bat-e-mast hai jo tair chukī hai

    aa kar abhī dariyā ke kināre pe rukī hai

    nuur Tiikā koī sāhil jabīñ par

    ālam-e-bālā utar aayā hai zamīñ par

    husn ke iqbāl chamkā hai sitārā

    nikhrī huī chāñdī hai ki Thahrā huā paarā

    hauzoñ ke ḳhazāne haiñ ki bikhre se paḌe haiñ

    pahre pe nigahbān haiñ sarv khaḌe haiñ

    taaj qarīne se abhī rakh ke zamīñ par

    soyā hai koī bādshah-e-vaqt yahīñ par

    tasvīr liye letā hai har hauz paanī

    goyā ki javānī ke muqābil hai javānī

    qudrat ne use auj diyā ḳhaak pe ke

    ye saada motī thā ḳhazāne meñ ḳhudā ke

    hai taḳht to maujūd sulaimāñ kamī hai

    jannat darīcha to hai rizvāñ kamī hai

    ye gul-kada kahiye jise firdaus ḳhāka

    hai dafn yahīñ ḳhaak meñ sarmāya vafā

    goshe meñ isī qasr ke do dil haiñ ham-āġhosh

    sho.ale haiñ magar maslahat-e-vaqt se ḳhāmosh

    is ḳhvāb meñ un ko nahīñ ḳhud apnī ḳhabar tak

    ik nuur uḌā jaatā hai parvāz-e-nazar tak

    nazroñ meñ abhī tak vahī dilchasp samāñ hai

    āñkhoñ meñ mirī ḳhvāb-gah-e-shāhjāñ hai

    allah main ye taj mahal dekh raha hun

    ya pahlu-e-jamuna mein kanwal dekh raha hun

    ye sham ki zulfon mein simaTte hue anwar

    firdaus-e-nazar taj-mahal ke dar-o-diwar

    aflak se ya kahkashan TuT paDi hai

    ya koi hasina hai ki be-parda khaDi hai

    is KHak se phuTi hai zuleKHa ki jawani

    ya chah se nikla hai koi yusuf-e-sani

    gul-dasta-e-rangin kaf-e-sahil pe dhara hai

    billor ka saghar hai ki sahba se bhara hai

    aaghosh-e-tajalli mein nazar soi hui hai

    ya sham ke zanu pe sahar soi hui hai

    ya bar-lab-e-jamuna koi doshiza naha kar

    baiThi hai takalluf se adaon ko chura kar

    Thahri hui ya husn ke markaz pe nazar hai

    ya waqt ke hathon mein gareban-e-sahar hai

    ya koi bat-e-mast hai jo tair chuki hai

    aa kar abhi dariya ke kinare pe ruki hai

    ya nur ka Tika koi sahil ki jabin par

    ya aalam-e-baala utar aaya hai zamin par

    ya husn ke iqbaal ka chamka hai sitara

    nikhri hui chandi hai ki Thahra hua para

    hauzon ke KHazane hain ki bikhre se paDe hain

    pahre pe nigahban hain ya sarw khaDe hain

    ya taj qarine se abhi rakh ke zamin par

    soya hai koi baadshah-e-waqt yahin par

    taswir liye leta hai har hauz ka pani

    goya ki jawani ke muqabil hai jawani

    qudrat ne use auj diya KHak pe la ke

    ye sada sa moti tha KHazane mein KHuda ke

    hai taKHt to maujud sulaiman ki kami hai

    jannat ka daricha to hai rizwan ki kami hai

    ye gul-kada kahiye jise firdaus ka KHaka

    hai dafn yahin KHak mein sarmaya wafa ka

    goshe mein isi qasr ke do dil hain ham-aghosh

    shoale hain magar maslahat-e-waqt se KHamosh

    is KHwab mein un ko nahin KHud apni KHabar tak

    ek nur uDa jata hai parwaz-e-nazar tak

    nazron mein abhi tak wahi dilchasp saman hai

    aankhon mein meri KHwab-gah-e-shahjaan hai

    Source
    • Book : Kulliyat-e-Mahshar Badayuni (Pg. 927)
    • Author : Mehshar Badayuni
    • Publication : Alhamd Publication, Lahore (2012)
    • Edition : 2012

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY