ghane añdheroñ se phūTā sapīda-e-saharī
zamīr-e-ḳhāk meñ jaagā mazāq-e-dīda-varī
ġhamoñ se duur masarrat kī shāh-rāhoñ meñ
hayāt DhūñD rahī hai nishān-e-istiqbāl
tahoñ meñ Duub ke ubhrī hai fikr-e-insānī
nikal rahā hai siyāhī se āftāb-e-kamāl
lahū ke chhīñToñ se badlī hai qismat-e-ādam
zamāna naap rahā hai junūñ ke paimāne
ḳhirad kī mai se kahīñ sair ho sakī hai talab
surūr-e-aql ke vā hoñ hazār mai-ḳhāne
ye zindagī hai bahar-hāl zindagī kī talab
talab na ho to javāñ-sāl hausle na raheñ
hayāt-o-maut nahīñ juz tasādum-e-nāgāh
talab na ho to junūñ-kār valvale na raheñ
fazā meñ kaif kalī par shabāb gul pe nikhār
abhī to jashn-e-bahārāñ ko aam karnā hai
abhī faroġh-e-mah-o-mehr kī zarūrat hai
nigār-e-shab kī sitāroñ se maañg bhartā hai
yaqīn-e-azm-o-amal ishtirāk-e-fikr-o-nazar
inhīñ se dars-e-tapish le rahī hai rūh-e-bashar
hayāt le ke chalo kā.enāt le ke chalo
chalo to saare zamāne ko saath le ke chalo
ghane andheron se phuTa sapida-e-sahari
zamir-e-KHak mein jaga mazaq-e-dida-wari
ghamon se dur masarrat ki shah-rahon mein
hayat DhunD rahi hai nishan-e-istiqbaal
tahon mein Dub ke ubhri hai fikr-e-insani
nikal raha hai siyahi se aaftab-e-kamal
lahu ke chhinTon se badli hai qismat-e-adam
zamana nap raha hai junun ke paimane
KHirad ki mai se kahin sair ho saki hai talab
surur-e-aql ke wa hon hazar mai-KHane
ye zindagi hai bahar-haal zindagi ki talab
talab na ho to jawan-sal hausle na rahen
hayat-o-maut nahin juz tasadum-e-nagah
talab na ho to junun-kar walwale na rahen
faza mein kaif kali par shabab gul pe nikhaar
abhi to jashn-e-bahaaran ko aam karna hai
abhi farogh-e-mah-o-mehr ki zarurat hai
nigar-e-shab ki sitaron se mang bharta hai
yaqin-e-azm-o-amal ishtirak-e-fikr-o-nazar
inhin se dars-e-tapish le rahi hai ruh-e-bashar
hayat le ke chalo kaenat le ke chalo
chalo to sare zamane ko sath le ke chalo
Source:
Sahba Lakhnavi : Shakhsiyat Aur Adabi Khidmaat (Pg. 279)
-
- Publisher: Irtiqa Matbuat, Karachi
- Year of Publication: 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.