tah-e-KHanjar

Owais Ahmad Dauran

tah-e-KHanjar

Owais Ahmad Dauran

MORE BYOwais Ahmad Dauran

    aqallīyat kahīñ ho tah-e-ḳhanjar rahtī hai

    halākat-ḳhez hāthoñ ke hazāroñ jabr sahtī hai

    ḳhas-o-ḳhāshāk mānind sail-e-ġham meñ bahtī hai

    na koī ḳhvāb āñkhoñ meñ na dil meñ aasrā koī

    na jū-e-ḳhūñ se bachne nazar meñ rāsta koī

    na mustaqbil āvāzeñ na manzil sadā koī

    ḳhud apnī fazā meñ ḳhauf ehsās har lamha

    adam-mahfūziyat duur tak ġhamnāk sannāTā

    suhānī ho ke bhī be-raunaq-o-be-kaif duniyā

    haqārat nazar nafrat chiñgārī ta.āqub meñ

    musībat aage aage zillat-o-ḳhvārī ta.āqub meñ

    jidhar jaa.e vahīñ tūfān-e-be-zārī ta.āqub meñ

    zabāñ ma.atūb tahzīb-o-saqāfat daar zad meñ

    ghar āñgan izzat-o-nāmūs kul talvār zad meñ

    laboñ muskurāhaT ātishīñ yalġhār zad meñ

    aqallīyat jahāñ bhī hai yahī us muqaddar hai

    ye zaḳhmī be-amāñ maḳhlūq har zer-e-ḳhanjar hai

    batā ai dil ye ġham raat hai roz-e-mahshar hai

    aqalliyat kahin ki ho tah-e-KHanjar hi rahti hai

    halakat-KHez hathon ke hazaron jabr sahti hai

    KHas-o-KHashak ki manind sail-e-gham mein bahti hai

    na koi KHwab aankhon mein na dil mein aasra koi

    na ju-e-KHun se bachne ka nazar mein rasta koi

    na mustaqbil ki aawazen na manzil ki sada koi

    KHud apni hi faza mein KHauf ka ehsas har lamha

    adam-mahfuziyat ka dur tak ghamnak sannaTa

    suhani ho ke bhi be-raunaq-o-be-kaif si duniya

    haqarat ki nazar nafrat ki chingari taaqub mein

    musibat aage aage zillat-o-KHwari taaqub mein

    jidhar jae wahin tufan-e-be-zari taaqub mein

    zaban matub tahzib-o-saqafat dar ki zad mein

    ghar aangan izzat-o-namus kul talwar ki zad mein

    labon ki muskurahaT aatishin yalghaar ki zad mein

    aqalliyat jahan bhi hai yahi us ka muqaddar hai

    ye zaKHmi be-aman maKHluq har su zer-e-KHanjar hai

    bata ai dil ye gham ki raat hai ya roz-e-mahshar hai

    Source :
    • Book : Ababeel (Pg. 16)
    • Author : Owais Ahmad Dauran
    • Publication : label litho press Ramna Road Patna-4 (1986)
    • Edition : 1986
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now