talab hai daryuza-gar

Qamar Hashmi

talab hai daryuza-gar

Qamar Hashmi

MORE BY Qamar Hashmi

    maiñ apnī rūh-e-azāb-gar se ye kah rahā thā

    ki ruuh pyaas aur badan talab meñ

    ek rabt-e-bāhamī hai

    na ruuh sarshār hai na tābindagī-e-tan hai

    ye reza reza jo rizq pahuñchā hai tār-o-pū

    sarishta-e-nā-tavāñ hai arz-e-hunar ke dāmān-e-be-rafū

    ye luqma-e-ḳhushk-o-halq-farsā

    kabhī to lazzat-e-shi.ār-e-kām-o-dahan bhī hotā

    fasīl-e-tan māvarā-e-pas-ḳhurdgī bhī hotī

    maiñ dast-e-kotāh-gīr daulat se pūchhtā huuñ

    ki umr bhar ne kāġhzī pairahan siye kyuuñ

    zabān-e-ālūda-kār ko ke baiTh jaatā

    saḳht-kosh azāb-e-sūd-o-ziyāñ na sahtī

    ye lamhe āsār-e-bāqiya haiñ

    ki jin meñ sāñseñ bhī ghaT rahī haiñ

    talab hai daryūza-gar ki us ne

    shikast dil panāh DhūñDī

    qalam chalā hai to raushnā.ī ke ashk Tapkā

    na lauh-e-dil par

    harīf ko apne saath maqtal dhuup meñ

    savād-e-mahrūmī-e-bashar to nahīñ

    guzar-gāh-e-nā-murādī

    pahāḌ kaaTe haiñ jur.atoñ ne

    ḳharāba-e-zehn par tamāzat ġhurūr hai

    saman-barī sāya-gustarī hai

    usī ko zahrāb-e-āgahī de

    usī se ta.amīr āshiyāñ kar

    main apni ruh-e-azab-gar se ye kah raha tha

    ki ruh ki pyas aur badan ki talab mein

    ek rabt-e-bahami hai

    na ruh sarshaar hai na tabindagi-e-tan hai

    ye reza reza jo rizq pahuncha hai tar-o-pu ka

    sarishta-e-na-tawan hai arz-e-hunar ke daman-e-be-rafu ka

    ye luqma-e-KHushk-o-halq-farsa

    kabhi to lazzat-e-shiar-e-kaam-o-dahan bhi hota

    fasil-e-tan mawara-e-pas-KHurdgi bhi hoti

    main dast-e-kotah-gir daulat se puchhta hun

    ki umr bhar tu ne kaghzi pairahan siye kyun

    zaban-e-aluda-kar ko si ke baiTh jata

    tu saKHt-kosh azab-e-sud-o-ziyan na sahti

    ye lamhe aasar-e-baqiya hain

    ki jin mein sansen bhi ghaT rahi hain

    talab hai daryuza-gar ki us ne

    shikast dil ki panah DhunDi

    qalam chala hai to raushnai ke ashk Tapka

    na lauh-e-dil par

    harif ko apne sath maqtal ki dhup mein la

    sawad-e-mahrumi-e-bashar to nahin

    guzar-gah-e-na-muradi

    pahaD kaTe hain juraton ne

    KHaraba-e-zehn par tamazat ghurur ki hai

    saman-bari saya-gustari hai

    usi ko zahrab-e-agahi de

    usi se tamir aashiyan kar

    Source:

    • Book : siip (Magzin) (Pg. 160)
    • Author : Nasiim Durraani
    • Publication : Fikr-e-Nau ( 39 (Quarterly) )
    • Edition :  39 (Quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY