tamam KHwab mohabbat ke nam kar dunga

jahāñ pe ḳhvāb rakhe haiñ

usī darīche se

tire vujūd se mub.ham sī raushnī le kar

Thahar Thahar ke koī ḳhvāb jhāñktā hai mujhe

tavīl raat kī sarhad ke dūsrī jānib

chamakte din kī bashārat meñ Dhāltā hai mujhe

maiñ ḳhāk-o-ḳhūn meñ āñkhoñ meñ harf-e-kun kī tarah

sahar se pahle kahīñ rū-pazīr hotā huuñ

zamīñ pe sīna-ba-sīna

diloñ ke zīnoñ par

charāġh-o-ḳhvāb sajātā huuñ avvalīñ sub.h meñ

ḳhudī ko raah dikhātā huuñ maiñ kahīñ ḳhud meñ

jahāñ pe ḳhvāb rakhe haiñ usī darīche se

kuchh ahl-e-husn

mohabbat ke ḳhvāb laa.e haiñ

mujāvirān-e-rah-e-dasht aab laa.e haiñ

aur ahl-e-harf vahāñ se kitāb laa.e haiñ

vo jis kā saf.ha-ba-saf.ha

vo jis kī satr-ba-satr

charāġh-e-'ishq kī lau se likhī ga.ī hai faqat

tire vujūd se mub.ham sī

raushnī le kar

maiñ us kitāb ko duniyā meñ 'aam kar dūñgā

tamām ḳhvāb mohabbat ke naam kar dūñgā

jahan pe KHwab rakhe hain

usi dariche se

tere wujud se mubham si raushni le kar

Thahar Thahar ke koi KHwab jhankta hai mujhe

tawil raat ki sarhad ke dusri jaanib

chamakte din ki bashaarat mein Dhaalta hai mujhe

main KHak-o-KHun mein aankhon mein harf-e-kun ki tarah

sahar se pahle kahin ru-pazir hota hun

zamin pe sina-ba-sina

dilon ke zinon par

charagh-o-KHwab sajata hun awwalin subh mein

KHudi ko rah dikhata hun main kahin KHud mein

jahan pe KHwab rakhe hain usi dariche se

kuchh ahl-e-husn

mohabbat ke KHwab lae hain

mujaviran-e-rah-e-dasht aab lae hain

aur ahl-e-harf wahan se kitab lae hain

wo jis ka safha-ba-safha

wo jis ki satr-ba-satr

charagh-e-'ishq ki lau se likhi gai hai faqat

tere wujud se mubham si

raushni le kar

main us kitab ko duniya mein 'am kar dunga

tamam KHwab mohabbat ke nam kar dunga