تماشے والا
آؤ بچو دو پیسے میں دنیا بھر کی سیر کرو
نظارے دکھلانے والا
جگ کی سیر کرانے والا
ڈبہ اپنے سر پہ اٹھائے
گلی گلی میں جانے والا
آج تمہارے گھر کے باہر رنگ جمانے آیا
دو پیسے میں دنیا بھر کی سیر کرانے آیا
آؤ بچو دو پیسے میں دنیا بھر کی سیر کرو
اس نے ڈبہ لا کر رکھا
تم نے اک شیشے میں جھانکا
تصویروں پر تصویریں ہیں
بلی کتا مینا طوطا
کھیل تماشے والا اک سنسار بسانے آیا
دو پیسے میں دنیا بھر کی سیر کرانے آیا
آؤ بچو دو پیسے میں دنیا بھر کی سیر کرو
کتنا اچھا رنگ جمایا
ایک ذرا سا پیچ گھمایا
تم نے چاندنی چوک کو کھو کر
کلکتے کے شہر کو پایا
سر پہ اٹھا کر کلکتے کا شہر دکھانے آیا
دو پیسے میں دنیا بھر کی سیر کرانے آیا
آؤ بچو دو پیسے میں دنیا بھر کی سیر کرو
آگرے آؤ تاج کو دیکھو
کل کو دیکھو آج کو دیکھو
چاہو اگر تو یورپ جا کر
افرنگی کے راج کو دیکھو
تم کو سیر سپاٹے کا شوقین بنانے آیا
دو پیسے میں دنیا بھر کی سیر کرانے آیا
آؤ بچو دو پیسے میں دنیا بھر کی سیر کرو
گاڑی لایا انجن لایا
پیرس لایا لندن لایا
گٹھڑی اپنے سر پہ اٹھائے
بارہ من کی دھوبن لایا
جتنے روتے بچے تھے ان سب کو ہنسانے آیا
دو پیسے میں دنیا بھر کی سیر کرانے آیا
مأخذ:
(Pg. 6)
- مصنف: جگن ناتھ آزاد
-
- ناشر: ڈائرکٹر قومی کونسل برائے فروغ اردو زبان، نئی دہلی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
