tanha lamhon ki sargoshi

Raj Narayan Raaz

tanha lamhon ki sargoshi

Raj Narayan Raaz

MORE BYRaj Narayan Raaz

    tanhā lamhoñ ne aa aa kar

    kaan meñ sargoshī aksar

    pūchhā sāthī ye to batāo

    zahr ke kitne jaam piye haiñ

    jhūToñ ko kyā makkāroñ ko

    phaTkārā lalkārā bhī hai

    daar ke gahre saa.e meñ kyā

    jhanDā haq lahrāyā hai

    pyaar ko ik ādarsh banā kar

    kab qasd-e-taslīb kiyā hai

    jab jab bazm meñ aa.e ho tum

    gum-sum chup chup sar laTkā.e

    tauq gale meñ aah Daale

    sar par taaj ġhamoñ pahne

    apne dukhoñ maalā japne

    aa baiThe tum is duniyā meñ

    duniyā ko tum dekh chuke ho

    zulm aag meñ jaltī duniyā

    zard zabāñ sho.aloñ jis ko

    chaaT chukī hai chaaT rahī hai

    sach pūchho to ḳhaak huī hai

    lekin baat ajab hai kitnī

    jab jab tum se baat huī tum

    apnā dukhḌā le baiThe ho

    tanha lamhon ne aa aa kar

    kan mein sargoshi ki aksar

    puchha sathi ye to batao

    zahr ke kitne jam piye hain

    jhuTon ko kya makkaron ko

    phaTkara lalkara bhi hai

    dar ke gahre sae mein kya

    jhanDa haq ka lahraya hai

    pyar ko ek aadarsh bana kar

    kab qasd-e-taslib kiya hai

    jab jab bazm mein aae ho tum

    gum-sum chup chup sar laTkae

    tauq gale mein aah ka Dale

    sar par taj ghamon ka pahne

    apne dukhon ki mala japne

    aa baiThe tum is duniya mein

    duniya ko tum dekh chuke ho

    zulm ki aag mein jalti duniya

    zard zaban shoalon ki jis ko

    chaT chuki hai chaT rahi hai

    sach puchho to KHak hui hai

    lekin baat ajab hai kitni

    jab jab tum se baat hui tum

    apna dukhDa le baiThe ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY