taujih

to kyā dekhtā huuñ

fazā nuur hī nuur thī

pahāḌ apne andar se phūTe hue dard

se jal rahā thā

paḌosī samundar sunahrā huā thā

bashārat milī thī

nanoñ, kāhinoñ ke barhana hujūm

dāhne haath meñ apne ġham

aur baa.eñ meñ apne savāl

aur rānoñ meñ ghoḌoñ kī pīTheñ pahan kar

nikal aa.e the

raushnī kī taraf

ḳhāmushī se baḌhe jā rahe the

ḳhunuk aur hairān āñkhoñ se

Takrā ke vāpas palaTtī shuāoñ se

andhī chaTānoñ ke ḳham jal uThe the

to kyā dekhtā huuñ

vo choTī ke paas

pahuñch kar larazne lage the

dhamāka huā thā

ajab ek sayyāl malġhūba

in kī taraf baḌh rahā thā

isī tel meñ bhiig ke

ek zaitūn kā peḌ

mish.al banā jal rahā thā

to kya dekhta hun

faza nur hi nur thi

pahaD apne andar se phuTe hue dard

se jal raha tha

paDosi samundar sunahra hua tha

bashaarat mili thi

nanon, kahinon ke barhana hujum

dahne hath mein apne gham

aur baen mein apne sawal

aur ranon mein ghoDon ki piThen pahan kar

nikal aae the

raushni ki taraf

KHamushi se baDhe ja rahe the

KHunuk aur hairan aankhon se

Takra ke wapas palaTti shuaon se

andhi chaTanon ke KHam jal uThe the

to kya dekhta hun

wo choTi ke pas

pahunch kar larazne lage the

dhamaka hua tha

ajab ek sayyal malghuba

in ki taraf baDh raha tha

isi tel mein bhig ke

ek zaitun ka peD

mishal bana jal raha tha