aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tawaif

MORE BYIzhaar Malihabadi

    ajnabī Daal na yuuñ mujh par hiqārat nazar

    maiñ tirī chāhne vaalī huuñ zarā der Thahar

    shauq-e-nazzāra agar hai to har ik rah se guzar

    aa tujhe apnī nigāhoñ se pilā duuñ sāġhar

    chand sikkoñ pe huā kartā hai har shab ko nisār

    mere siine gudāz aur javānī bahār

    jitnā nāpāk hai tan utnā mirā man to nahīñ

    kyuuñ ThiThaktā hai jhijaktā hai maiñ nāgan to nahīñ

    maañg letī huuñ zabāñ se koī rahzan to nahīñ

    tere kumbe se maiñ huuñ tirī dushman to nahīñ

    ye vo dar hai jahāñ mohtāj-o-ġhanī aate haiñ

    naam kis kis maiñ ab luuñ ki sabhī aate haiñ

    vo javāñ jin ragoñ meñ hai baġhāvat raqsāñ

    jin ke chehroñ pe hai nākāmī-e-ulfat dhuāñ

    jin ke har lafz meñ nashtar hai nigāhoñ meñ sināñ

    kār-ḳhānoñ meñ ghuTe jaate haiñ jin ke armāñ

    zindagī-bhar jo mashīnoñ ko lahū dete haiñ

    aa ke kuchh der mirī bazm meñ hañs lete haiñ

    kitne rishiyoñ kuTī meñ mire kāshāne haiñ

    kitne durveshoñ ke lab par mire afsāne haiñ

    merī har saañs ke āġhosh meñ but-ḳhāne haiñ

    shaiḳh-sāhab bhī mire husn ke dīvāne haiñ

    jo mirī bazm meñ hai vo mirā shaidā.ī hai

    koī hindū hai na muslim hai na īsā.ī hai

    kaal aur qaht sejoñ ko sajātī nahīñ maiñ

    ḳhuun mazdūr galiyoñ meñ bahātī nahīñ maiñ

    goliyāñ ahl-e-mohabbat pe chalātī nahīñ maiñ

    pañch-sāla koī scheme banātī nahīñ maiñ

    ahl-e-mahfil ko rulānā nahīñ aatā mujh ko

    tex par tex lagānā nahīñ aatā mujh ko

    maiñ huuñ ik jhuuT bāzār ye maanā maiñ ne

    mere ġhamze bhī haiñ talvār ye maanā maiñ ne

    mere phūloñ meñ haiñ sau ḳhaar ye maanā maiñ ne

    maiñ huuñ daulat talabgār ye maanā maiñ ne

    sab jatan haiñ ye magar ik Dil-e-pur-ġham ke liye

    jam.a kartī nahīñ daulat ko maiñ atom ke liye

    merā manshā nahīñ aqvām-e-zubūñ tasḳhīr

    merā maqsad nahīñ pahnā.ūñ ḳhirad ko zanjīr

    merā īmāñ nahīñ ulfat ho rahīn-e-ta.azīr

    merā armāñ nahīñ mar jaa.e ġharīboñ zamīr

    maiñ ne ġhalle ko godāmoñ meñ chhupāyā hai kabhī

    maiñ ne dollar ke liye haath baḌhāyā hai kabhī

    mujh ko sarmā.e ke sho.ale ne jalā Daalā hai

    merī ismat ke charāġhoñ ko bujhā Daalā hai

    mere siine se sharāfat ko miTā Daalā hai

    mujh ko ik paikar-e-tafrīh banā Daalā hai

    mujh meñ mariyam taqaddus thā to siitā vaqār

    kar diyā zar ne mujhe raunaq-e-husn-e-bāzār

    ḳhair in mirī bātoñ pe koī dhyān na kar

    mā-sivā mere kisī kabhī armān na kar

    apnā dil aur kisī raah meñ qurbān na kar

    aa bhī baam pe ab der merī jaan na kar

    mere siine meñ jo sho.ala hai na so jaa.e kahīñ

    ajnabī Dar hai mujhe sub.h na ho jaa.e kahīñ

    ajnabi Dal na yun mujh par hiqarat ki nazar

    main teri chahne wali hun zara der Thahar

    shauq-e-nazzara agar hai to har ek rah se guzar

    aa tujhe apni nigahon se pila dun saghar

    chand sikkon pe hua karta hai har shab ko nisar

    mere sine ka gudaz aur jawani ki bahaar

    jitna napak hai tan utna mera man to nahin

    kyun ThiThakta hai jhijakta hai main nagan to nahin

    mang leti hun zaban se koi rahzan to nahin

    tere kumbe hi se main hun teri dushman to nahin

    ye wo dar hai jahan mohtaj-o-ghani aate hain

    nam kis kis ka main ab lun ki sabhi aate hain

    wo jawan jin ki ragon mein hai baghawat raqsan

    jin ke chehron pe hai nakaami-e-ulfat ka dhuan

    jin ke har lafz mein nashtar hai nigahon mein sinan

    kar-KHanon mein ghuTe jate hain jin ke arman

    zindagi-bhar jo mashinon ko lahu dete hain

    aa ke kuchh der meri bazm mein hans lete hain

    kitne rishiyon ki kuTi mein mere kashane hain

    kitne durweshon ke lab par mere afsane hain

    meri har sans ke aaghosh mein but-KHane hain

    shaiKH-sahab bhi mere husn ke diwane hain

    jo meri bazm mein hai wo mera shaidai hai

    koi hindu hai na muslim hai na isai hai

    kal aur qaht ki sejon ko sajati nahin main

    KHun mazdur ka galiyon mein bahati nahin main

    goliyan ahl-e-mohabbat pe chalati nahin main

    panch-sala koi scheme banati nahin main

    ahl-e-mahfil ko rulana nahin aata mujh ko

    tex par tex lagana nahin aata mujh ko

    main hun ek jhuT ka bazar ye mana main ne

    mere ghamze bhi hain talwar ye mana main ne

    mere phulon mein hain sau KHar ye mana main ne

    main hun daulat ki talabgar ye mana main ne

    sab jatan hain ye magar ek Dil-e-pur-gham ke liye

    jama karti nahin daulat ko main atom ke liye

    mera mansha nahin aqwam-e-zubun ki tasKHir

    mera maqsad nahin pahnaun KHirad ko zanjir

    mera iman nahin ulfat ho rahin-e-tazir

    mera arman nahin mar jae gharibon ka zamir

    main ne ghalle ko godamon mein chhupaya hai kabhi

    main ne dollar ke liye hath baDhaya hai kabhi

    mujh ko sarmae ke shoale ne jala Dala hai

    meri ismat ke charaghon ko bujha Dala hai

    mere sine se sharafat ko miTa Dala hai

    mujh ko ek paikar-e-tafrih bana Dala hai

    mujh mein mariyam ka taqaddus tha to sita ka waqar

    kar diya zar ne mujhe raunaq-e-husn-e-bazar

    KHair tu in meri baaton pe koi dhyan na kar

    ma-siwa mere kisi ka kabhi arman na kar

    apna dil aur kisi rah mein qurban na kar

    aa bhi ja baam pe ab der meri jaan na kar

    mere sine mein jo shoala hai na so jae kahin

    ajnabi Dar hai mujhe subh na ho jae kahin

    Source:

    Naye Tarane (Pg. 142 (e) 142)

    • Author: Izhaar Malihabadi
      • Edition: 1953
      • Publisher: Kakul Kitab Ghar, Mumbai
      • Year of Publication: 1953
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now