tazmin bar-ashaar-e-ghaalib

Ze Khe Sheen

tazmin bar-ashaar-e-ghaalib

Ze Khe Sheen

MORE BYZe Khe Sheen

    dard-e-ulfat yūñhī thā rag rag meñ saarī haa.e haa.e

    kyuuñ lagāyā phir vafā zaḳhm-e-kārī haa.e haa.e

    tujh be-fikr aur kisī ġham-gusārī haa.e haa.e

    dard se mere ho tujh ko be-qarārī haa.e haa.e

    kyā huī zālim tirī ġhaflat shi.ārī? haa.e haa.e

    kuchh hañsī thā shirkat rañj-o-alam hausla

    aah ye ek ḳhūgar nāz-o-ni.am hausla

    kyuuñ kiyā be-quvvat-e-dil is sitam hausla

    tere dil meñ gar na thā āshob-e-ġham hausla

    ne phir kyuuñ thī merī ġham-gusārī haa.e haa.e

    thā mirā ġham-ḳhvār ban kar phūlnā phalnā muhāl

    kaT gayā āḳhir na terā naḳhl-e-umr ai naunihāl

    aah nādāñ kyuuñ na sochā merī ulfat ma.aal

    kyuuñ mirī ġham-ḳhvārgī tujh ko aayā thā ḳhayāl

    dushmanī apnī thī merī dost-dārī haa.e haa.e

    jiite ham tum rahe gar yak-dil-o-yakjā to kyā

    tā-dam-e-āḳhir bharā gar dam mohabbat to kyā

    umr bhar paimāñ rahā minnat-kash iifā to kyā

    umr bhar ne paimān-e-vafā bāñdhā to kyā

    umr ko bhī to nahīñ hai pā.edārī haa.e haa.e

    chhoḌ kar zindāñ meñ mujh ko ne rāh-e-ḳhuld

    tere zaḳhm-e-nāvak-e-furqat se maiñ jiitī bachī

    ho chukī bas e'timād-e-dil sheḳhī kirkirī

    ḳhaak meñ nāmūs-e-paimān-e-mohabbat mil ga.ī

    uTh ga.ī duniyā se rāh-rau rasm yaarī haa.e haa.e

    dareġhā thā dil-e-bīmār-e-ġham ko aasrā

    āb-e-teġh-e-nāz se ik din mujhe hogī shifā

    hasrat ai shauq-e-jarāhat! ruḳhsat ai zauq-e-fanā

    haath teġh-āzmā kaam se jaatā rahā

    dil pe ik lagne na paayā zaḳhm-e-kārī haa.e haa.e

    ġham hare kartī hai fasl-e-ashk-bār-e-barshgāl

    misl-e-qismat taar haiñ lail-o-nahār-e-barshgāl

    kab khulegā haa.e ye ab sāya-dār-e-barshgāl

    kaise kāTūñ haa.e maiñ shab-hā-e-tār-e-barshigāl

    hai nazar ḳhū-karda-e-aḳhtar-shumārī haa.e haa.e

    ek din vo bhī thā jab dam bhar furqat thī muhāl

    aah ik din ye bhī hai jab rūnumā hai infi.āl

    ye alam kab tak sahūñ kab tak na ho jiinā vabāl

    gosh mahjūr-e-payām o chashm mahrūm-e-jamāl

    ek dil tis par ye ummīd-vārī haa.e haa.e

    dard-e-ulfat yunhi tha rag rag mein sari hae hae

    kyun lagaya phir wafa ka zaKHm-e-kari hae hae

    tujh sa be-fikr aur kisi ki gham-gusari hae hae

    dard se mere ho tujh ko be-qarari hae hae

    kya hui zalim teri ghaflat shiari? hae hae

    kuchh hansi tha shirkat ranj-o-alam ka hausla

    aah ye ek KHugar naz-o-niam ka hausla

    kyun kiya be-quwwat-e-dil is sitam ka hausla

    tere dil mein gar na tha aashob-e-gham ka hausla

    tu ne phir kyun ki thi meri gham-gusari hae hae

    tha mera gham-KHwar ban kar phulna phalna muhaal

    kaT gaya aaKHir na tera naKHl-e-umr ai naunihaal

    aah nadan kyun na socha meri ulfat ka maal

    kyun meri gham-KHwargi ka tujh ko aaya tha KHayal

    dushmani apni thi meri dost-dari hae hae

    jite ji hum tum rahe gar yak-dil-o-yakja to kya

    ta-dam-e-aKHir bhara gar dam mohabbat ka to kya

    umr bhar paiman raha minnat-kash ifa to kya

    umr bhar ka tu ne paiman-e-wafa bandha to kya

    umr ko bhi to nahin hai paedari hae hae

    chhoD kar zindan mein mujh ko tu ne rah-e-KHuld li

    tere zaKHm-e-nawak-e-furqat se main jiti bachi

    ho chuki bas e'timad-e-dil ki sheKHi kirkiri

    KHak mein namus-e-paiman-e-mohabbat mil gai

    uTh gai duniya se rah-rau rasm yari hae hae

    wa daregha tha dil-e-bimar-e-gham ko aasra

    aab-e-tegh-e-naz se ek din mujhe hogi shifa

    hasrat ai shauq-e-jarahat! ruKHsat ai zauq-e-fana

    hath hi tegh-azma ka kaam se jata raha

    dil pe ek lagne na paya zaKHm-e-kari hae hae

    gham hare karti hai fasl-e-ashk-bar-e-barshgal

    misl-e-qismat tar hain lail-o-nahaar-e-barshgal

    kab khulega hae ye ab saya-dar-e-barshgal

    kaise kaTun hae main shab-ha-e-tar-e-barshigal

    hai nazar KHu-karda-e-aKHtar-shumari hae hae

    ek din wo bhi tha jab dam bhar ki furqat thi muhaal

    aah ek din ye bhi hai jab runuma hai infial

    ye alam kab tak sahun kab tak na ho jina wabaal

    gosh mahjur-e-payam o chashm mahrum-e-jamal

    ek dil tis par ye na ummid-wari hae hae

    RECITATIONS

    Azra Naqvi

    Azra Naqvi

    Azra Naqvi

    tazmin bar-ashaar-e-ghaalib Azra Naqvi

    Source :
    • Book : Jadeed Shora-e-Urdu (Pg. 938)
    • Author : Dr. Abdul Wahid
    • Publication : Feroz sons Printers Publishers and Stationers
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY