tere baad

Saifuddin Saif

tere baad

Saifuddin Saif

MORE BY Saifuddin Saif

    mirī nigāh ko ab bhī tirī zarūrat hai

    dil-e-tabāh ko ab bhī tirī zarūrat hai

    ḳharosh-e-nāla taḌaptā hai terī furqat meñ

    sukūt-e-āh ko ab bhī tirī zarūrat hai

    ye sub.h-o-shām tirī justujū meñ phirte haiñ

    ki mehr-o-māh ko ab bhī tirī zarūrat hai

    bahār-e-zulf pareshāñ liye hai gulshan meñ

    gul-o-giyāh ko ab bhī tirī zarūrat hai

    zamāna DhūñD rahā hai koī nayā tūfāñ

    sukūn-e-rāh ko ab bhī tirī zarūrat hai

    vo valvale vo umañgeñ vo justujū na rahī

    tirī sipāh ko ab bhī tirī zarūrat hai

    ḳhirad ḳhamosh junūñ be-ḳharosh hai ab tak

    dil-o-nigāh ko ab bhī tirī zarūrat hai

    bayāñ ho ġham fasāna dil-e-tapāñ se kahāñ

    ye baar uTThegā mirī jān-e-nā-tavāñ se kahāñ

    milā na phir kahīñ lutf-e-kalām tere ba.ad

    hadīs-e-shauq rahī nā-tamām tere ba.ad

    jo tere dast-e-havādis shikan meñ dekhī thī

    vo teġh phir na huī be-niyām tere ba.ad

    bujhī bujhī tabī.at hai bāda-ḳhvāroñ

    udaas udaas haiñ mīnā-o-jām tere ba.ad

    banā hai harf-e-shikāyat sukūt-e-lāla-o-gul

    badal gayā hai chaman nizām tere ba.ad

    adā-e-husn lutf-e-ḳhirām be-ma.anī

    surūd-e-shauq lazzat harām tere ba.ad

    taras ga.ī hai samā.at tirī sadāoñ ko

    sunā na phir kahīñ terā payām tere ba.ad

    vo inqalāb phir palaT ga.ī afsos

    buland baam haiñ phir zer-e-dām tere ba.ad

    misāl-e-najm-e-sahar jagmagā ke Duub gayā

    hameñ safīna kināre lagā ke Duub gayā

    meri nigah ko ab bhi teri zarurat hai

    dil-e-tabah ko ab bhi teri zarurat hai

    KHarosh-e-nala taDapta hai teri furqat mein

    sukut-e-ah ko ab bhi teri zarurat hai

    ye subh-o-sham teri justuju mein phirte hain

    ki mehr-o-mah ko ab bhi teri zarurat hai

    bahaar-e-zulf pareshan liye hai gulshan mein

    gul-o-giyah ko ab bhi teri zarurat hai

    zamana DhunD raha hai koi naya tufan

    sukun-e-rah ko ab bhi teri zarurat hai

    wo walwale wo umangen wo justuju na rahi

    teri sipah ko ab bhi teri zarurat hai

    KHirad KHamosh junun be-KHarosh hai ab tak

    dil-o-nigah ko ab bhi teri zarurat hai

    bayan ho gham ka fasana dil-e-tapan se kahan

    ye bar uTThega meri jaan-e-na-tawan se kahan

    mila na phir kahin lutf-e-kalam tere baad

    hadis-e-shauq rahi na-tamam tere baad

    jo tere dast-e-hawadis shikan mein dekhi thi

    wo tegh phir na hui be-niyam tere baad

    bujhi bujhi si tabiat hai baada-KHwaron ki

    udas udas hain mina-o-jam tere baad

    bana hai harf-e-shikayat sukut-e-lala-o-gul

    badal gaya hai chaman ka nizam tere baad

    ada-e-husn ka lutf-e-KHiram be-mani

    surud-e-shauq ki lazzat haram tere baad

    taras gai hai samaat teri sadaon ko

    suna na phir kahin tera payam tere baad

    wo inqalab ki ru phir palaT gai afsos

    buland baam hain phir zer-e-dam tere baad

    misal-e-najm-e-sahar jagmaga ke Dub gaya

    hamein safina kinare laga ke Dub gaya

    Source:

    • Book : Muntakhab Shahkar Nazmon Ka Album) (Pg. 177)
    • Author : Munavvar Jameel
    • Publication : Haji Haneef Printer Lahore (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY