tulu-e-ishtirakiyat

Sahir Ludhianvi

tulu-e-ishtirakiyat

Sahir Ludhianvi

MORE BYSahir Ludhianvi

    jashn bapā hai kuTiyāoñ meñ ūñche aivāñ kaañp rahe haiñ

    mazdūroñ ke bigḌe tevar dekh ke sultāñ kaañp rahe haiñ

    jaage haiñ iflās ke maare uThe haiñ be-bas dukhiyāre

    sīnoñ meñ tūfāñ talātum āñkhoñ meñ bijlī ke sharāre

    chauk chauk par galī galī meñ surḳh pharere lahrāte haiñ

    mazlūmoñ ke bāġhī lashkar sail-sifat umDe aate haiñ

    shāhī darbāroñ ke dar se faujī pahre ḳhatm hue haiñ

    zaatī jāgīroñ ke haq aur mohmal da.ave ḳhatm hue haiñ

    shor machā hai bāzāroñ meñ TuuT ga.e dar zindānoñ ke

    vāpas maañg rahī hai duniyā ġhasab-shuda haq insānoñ ke

    rusvā-bāzārī ḳhātūneñ haqq-e-nisānī maañg rahī haiñ

    sadiyoñ ḳhāmosh zabāneñ sahr-e-navā.ī maañg rahī haiñ

    roñdī kuchlī āvāzoñ ke shor se dhartī guuñj uThī hai

    duniyā ke inā-e-nagar meñ haq pahlī guuñj uThī hai

    jam.a hue haiñ chaurāhoñ par aa ke bhūke aur gadāgar

    ek lapaktī āñdhī ban kar ek bhabaktā sho.ala ho kar

    kāñdhoñ par sañgīn kudāleñ hoñToñ par bebāk tarāne

    dahqānoñ ke dil nikle haiñ apnī bigḌī aap banāne

    aaj purānī tadbīroñ se aag ke sho.ale tham na sakeñge

    ubhre jazbe dab na sakeñge ukhḌe parcham jam na sakeñge

    rāj-mahal ke darbānoñ se ye sarkash tūfāñ na rukegā

    chand kirā.e ke tinkoñ se sail-e-be-pāyāñ na rukegā

    kaañp rahe haiñ zālim sultāñ TuuT ga.e dil jabbāroñ ke

    bhaag rahe haiñ zill-e-ilāhī muñh utre haiñ ġhaddāroñ ke

    ek nayā sūraj chamkā hai ek anokhī zau-bārī hai

    ḳhatm huī afrād shāhī ab jamhūr sālārī hai

    jashn bapa hai kuTiyaon mein unche aiwan kanp rahe hain

    mazduron ke bigDe tewar dekh ke sultan kanp rahe hain

    jage hain iflas ke mare uThe hain be-bas dukhiyare

    sinon mein tufan ka talatum aankhon mein bijli ke sharare

    chauk chauk par gali gali mein surKH pharere lahraate hain

    mazlumon ke baghi lashkar sail-sifat umDe aate hain

    shahi darbaron ke dar se fauji pahre KHatm hue hain

    zati jagiron ke haq aur mohmal dawe KHatm hue hain

    shor macha hai bazaron mein TuT gae dar zindanon ke

    wapas mang rahi hai duniya ghasab-shuda haq insanon ke

    ruswa-bazari KHatunen haqq-e-nisani mang rahi hain

    sadiyon ki KHamosh zabanen sahr-e-nawai mang rahi hain

    rondi kuchli aawazon ke shor se dharti gunj uThi hai

    duniya ke ina-e-nagar mein haq ki pahli gunj uThi hai

    jama hue hain chaurahon par aa ke bhuke aur gadagar

    ek lapakti aandhi ban kar ek bhabakta shoala ho kar

    kandhon par sangin kudalen honTon par bebak tarane

    dahqanon ke dil nikle hain apni bigDi aap banane

    aaj purani tadbiron se aag ke shoale tham na sakenge

    ubhre jazbe dab na sakenge ukhDe parcham jam na sakenge

    raj-mahal ke darbanon se ye sarkash tufan na rukega

    chand kirae ke tinkon se sail-e-be-payan na rukega

    kanp rahe hain zalim sultan TuT gae dil jabbaron ke

    bhag rahe hain zill-e-ilahi munh utre hain ghaddaron ke

    ek naya suraj chamka hai ek anokhi zau-bari hai

    KHatm hui afrad ki shahi ab jamhur ki salari hai

    Source :
    • Book : Kulliyat-e-Sahir Ludhianvi (Pg. 71)
    • Author : SAHIR LUDHIANVI
    • Publication : Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY