tum mujhe DhunDte rahe

aur maiñ tumheñ

is chhupan-chhupā.ī meñ

ham ye hī bhuul ga.e

ham kise DhūñDh rahe the

ek baar ham rāste meñ mile the

lekin tum ne mujhe nahīñ pahchānā

maiñ bhī bhuul ga.ī ki maiñ tum ko hī to talāsh kar rahī thī

ham talāsh ke ek hī dā.ere meñ ghūmte rahe

saarī zindagī guzar ga.ī

tum ko yaad ho

shāyad nahīñ

ham ek cafe meñ bhī mile the

aur ek saḌak par aur ek kamre meñ

aur ek ghar meñ

aur vahāñ jahāñ maiñ thak ga.ī thī

tum ko DhūñDte DhūñDhe

itnī itnī ki merī saañs phūlne lagī

haañ vahīñ maiñ ne irāda tark kar diyā

tumheñ DhūñDne kā

aur main tumhein

is chhupan-chhupai mein

hum ye hi bhul gae

hum kise DhunDh rahe the

ek bar hum raste mein mile the

lekin tum ne mujhe nahin pahchana

main bhi bhul gai ki main tum ko hi to talash kar rahi thi

hum talash ke ek hi daere mein ghumte rahe

sari zindagi guzar gai

tum ko yaad ho

shayad nahin

hum ek cafe mein bhi mile the

aur ek saDak par aur ek kamre mein

aur ek ghar mein

aur wahan jahan main thak gai thi

tum ko DhunDte DhunDhe

itni itni ki meri sans phulne lagi

han wahin main ne irada tark kar diya

tumhein DhunDne ka