tumne use kahan dekha hai

Naseer Ahmad Nasir

tumne use kahan dekha hai

Naseer Ahmad Nasir

MORE BYNaseer Ahmad Nasir

    kabhī tum ne dekhā hai

    ḳhvāboñ se aage manzar

    jahāñ chāñd tāroñ se rūThī huī

    raat apne barahna badan par

    siyah raakh mal kar

    alaav ke chāroñ taraf nāchtī hai!

    kabhī tum ne jhāñkā hai

    palkoñ ke pīchhe

    thakī niilī āñkhoñ ke andar

    jahāñ āsmānoñ saarī udāsī

    ḳhalā-dar-ḳhalā tairtī hai

    kabhī tum ne ik din guzārā hai

    rastoñ ke donoñ taraf īstāda

    ghane sabz peḌoñ ke nīche

    jahāñ dhuup apne liye

    rāsta DhūñDhtī hai!

    kabhī tum ne pūchhā hai

    chalte hue rāste meñ

    kisī ajnabī se

    patā us ke ghar

    havā jis ke qadmoñ ke miTte nishāñ chūmtī hai

    nagar-dar-nagar ghūmtī hai!!

    kabhi tum ne dekha hai

    KHwabon se aage ka manzar

    jahan chand taron se ruThi hui

    raat apne barahna badan par

    siyah rakh mal kar

    alaw ke chaaron taraf nachti hai!

    kabhi tum ne jhanka hai

    palkon ke pichhe

    thaki nili aankhon ke andar

    jahan aasmanon ki sari udasi

    KHala-dar-KHala tairti hai

    kabhi tum ne ek din guzara hai

    raston ke donon taraf istada

    ghane sabz peDon ke niche

    jahan dhup apne liye

    rasta DhunDhti hai!

    kabhi tum ne puchha hai

    chalte hue raste mein

    kisi ajnabi se

    pata us ke ghar ka

    hawa jis ke qadmon ke miTte nishan chumti hai

    nagar-dar-nagar ghumti hai!!

    Source :
    • Book : Pani mein gum khawab (Pg. 19)
    • Author : Naseer Ahmed Nasir
    • Publication : Sanjh Publications Pakistan (2013)
    • Edition : 2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY