یقیناً زمانہ سے ممتاز ہو تم
گل و لالہ نے تم سے سیکھیں ادائیں
تمہیں دیکھ کر مسکرائیں فضائیں
نسیم و صبا سب کی ہم راز ہو تم
یقیناً زمانہ سے ممتاز ہو تم
خدا نے تمہیں حسن و رعنائی بخشی
بہاروں کی رنگیں دل آرائی بخشی
دل آرائیوں کا حسیں ساز ہو تم
یقیناً زمانہ سے ممتاز ہو تم
بہر گام ہمدم ہو تم ہم نوا ہو
مری رفعتوں میں تمہی جا بجا ہو
تمہی میری مونس ہو دم ساز ہو تم
یقیناً زمانہ سے ممتاز ہو تم
مصیبت میں بھی مسکراتی رہی ہو
مری ہمتوں کو بڑھاتی رہی ہو
مری کامرانی کی غماز ہو تم
یقیناً زمانہ سے ممتاز ہو تم
تمہیں دیکھ کر غنچۂ دل کھلے ہیں
تمہیں سے بہاروں کے بھی سلسلے ہیں
چمن میں تبسم کا آغاز ہو تم
یقیناً زمانہ سے ممتاز ہو تم
سلامت رہیں جب تلک چاند تارے
سلامت رہیں ناز و غمزہ تمہارے
محبت کا چاہت کا اعجاز ہو تم
یقیناً زمانہ سے ممتاز ہو تم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.