تمہیں کھوجتی ہیں جو آنکھیں
تمہیں کھوجتی ہیں جو آنکھیں۔۔۔
تم ان میں کسے دیکھتے ہو؟
کوئی گم شدہ مسکراہٹ۔۔۔
جو دل کے خلاؤں کو بھرنے لگی ہے
یا اک دھن کہ جس پر
یہ ٹھہری ہوئی منجمد زندگی، رقص کرنے لگی ہے!
تمہارے بھی من میں پرندوں کی چہکار پھر سے اترنے لگی ہے؟
کوئی بھولی بسری سی سرگوشی۔۔۔
ہونٹوں پہ کھلنے لگی ہے؟
کہو! زندگی پھر سے ملنے لگی ہے؟
سنہری وہ آنکھیں جو لو دے رہی ہیں
وہ قندیل جاں ہیں؟
کہ بھیدوں بھری روشنی کا نشاں ہیں؟
کبھی طاق جاں پر سنبھالے تھے تم نے معانی جو گم ہو گئے تھے
کہو! تم نے پھر بھی انہیں پا لیا ہے؟
کہ پھر اک نئی نظم کی خواہشوں نے تمہیں جا لیا ہے؟
یہ کس کو پتا ہے؟
نہ جانے تم آنکھوں میں ان کی۔۔۔
کسے ڈھونڈتے ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
