tufan mel

'atīq' aur 'aslam' 'sho.eb' aur 'salīm'

'ra.īs' aur 'āsif' 'nafīs' aur 'vasīm'

ye maktab se vāpas huā qāfila

to raste meñ sab ne yahī tai kiyā

chalo khelte ham chaleñ rail rail

'atīq' hoñge guard aur engine 'tufail'

ye sunte hī baġhloñ meñ baste liye

aur ik saf meñ sīdhe khaḌe ho ga.e

khaḌe aage pīchhe ye jab ho chuke

to dāman qamīsoñ ke pakḌe ga.e

qamīsoñ ke dāman pakaḌ jab chuke

second aur enter ke Dabbe bane

ġharaz ban chukī jab ye chhoTī sī rail

chhuTā nanhe bachchoñ kā tūfān mel

chhukā-chhuk chhukā-chhuk chhukā-chhuk chalā

baḌī zor se siiTī detā huā

muñDer aur khaa.ī pe chaḌhtā huā

bulandī se nīche utartā huā

kabhī zor meñ aa ke tez ho gayā

kabhī ruk ke engine ne paanī liyā

ġharaz dauḌtā gūñjtā ghūmtā

galī se galī ko badaltā huā

chalā jā rahā thā na thī kuchh ḳhabar

ki itne meñ ḳhatra hai aayā nazar

kahīñ sāmne se gadhā chīḳhtā

chalā aa rahā thā uchhaltā huā

kabhī agle paañv se hotā khaḌā

do-lattī kabhī zor se pheñktā

jo aate hue us ne dekhā ye mel

to ruḳhsat huī us kī saarī kulail

udhar vo vahāñ se phirā chīḳhtā

idhar mel bhī jaane kis samt gayā

'atiq' aur 'aslam' 'shoeb' aur 'salim'

'rais' aur 'asif' 'nafis' aur 'wasim'

ye maktab se wapas hua qafila

to raste mein sab ne yahi tai kiya

chalo khelte hum chalen rail rail

'atiq' honge guard aur engine 'tufail'

ye sunte hi baghlon mein baste liye

aur ek saf mein sidhe khaDe ho gae

khaDe aage pichhe ye jab ho chuke

to daman qamison ke pakDe gae

qamison ke daman pakaD jab chuke

second aur enter ke Dabbe bane

gharaz ban chuki jab ye chhoTi si rail

chhuTa nanhe bachchon ka tufan mel

chhuka-chhuk chhuka-chhuk chhuka-chhuk chala

baDi zor se siTi deta hua

munDer aur khai pe chaDhta hua

bulandi se niche utarta hua

kabhi zor mein aa ke tez ho gaya

kabhi ruk ke engine ne pani liya

gharaz dauDta gunjta ghumta

gali se gali ko badalta hua

chala ja raha tha na thi kuchh KHabar

ki itne mein KHatra hai aaya nazar

kahin samne se gadha chiKHta

chala aa raha tha uchhalta hua

kabhi agle panw se hota khaDa

do-latti kabhi zor se phenkta

jo aate hue us ne dekha ye mel

to ruKHsat hui us ki sari kulail

udhar wo wahan se phira chiKHta

idhar mel bhi jaane kis samt gaya