امید مری شہزادی تھی
امی کی محبت ملتی ہے
ابو کی بھی شفقت ملتی ہے
اے ماضی ترے اک دامن سے
کیا کیا مجھے دولت ملتی ہے
بچپن کا زمانہ تجھ میں ہے
ہر لمحہ سہانا تجھ میں ہے
جو خوابوں کو دستک دیتا تھا
وہ عہد پرانا تجھ میں ہے
ناکامی نہ یہ نا شادی تھی
بے فکری تھی آزادی تھی
شہزادہ تھا میں ارمانوں کا
امید مری شہزادی تھی
ہر کینہ حسد سے دور تھا میں
ہر عادت بد سے دور تھا میں
معصوم طبیعت تھی میری
شیطان کی زد سے دور تھا میں
یہ چاند کھلونا تھا میرا
اک سپنا سنہرا تھا میرا
مٹھی میں تھی دنیا بند مری
یہ سارا زمانہ تھا میرا
بچپن کا زمانہ بیت گیا
وہ میت گئے وہ گیت گیا
شہزادؔ اب اکثر سوچتا ہوں
کیا ہار گیا کیا جیت گیا
مأخذ:
اعراب (Pg. 21)
- مصنف: شمیم شہزاد
-
- ناشر: شمیم شہزاد
- سن اشاعت: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
