unhen DhunDo

Bushra Ejaz

unhen DhunDo

Bushra Ejaz

MORE BY Bushra Ejaz

    unheñ DhūñDho safar shaam se pahle

    kisī anjām se pahle

    unheñ DhūñDo

    jo milne ghaḌī meñ

    ham se bichhḌe the

    diloñ se phūTte is ġham se bichhḌe the

    jo āñkheñ ḳhushk rakhtā hai

    magar dahlīz-e-jāñ tak

    pāniyoñ ko chhoḌ jaatā hai

    jo rasta dil galiyoñ se nikaltā ho

    usī raste har ik samt ko

    vo moḌ jaatā hai

    masarrat harī shāḳhoñ ko aa kar toḌ jaatā hai

    unheñ DhūñDo

    udāsī kitāboñ se

    tamannā ke nisāboñ meñ likhī

    tahrīr ke mafhūm se

    jis meñ udāsī ne

    ḳhud apnī bebasī baab likkhā thā

    shu.ūr-e-zāt

    dhundlā ik ehsās likkhā thā

    unheñ DhūñDo

    judā.ī galī meñ

    lauT aane sandesa chhoḌ kar

    ruḳhsat hue the jo

    charāġhoñ ne jinheñ

    is āḳhirī saa.at meñ dekhā thā

    ki jab un laveñ bujhne lagī thiiñ

    aur jab ḳhud meñ mukammal ho rahe the

    unheñ DhūñDo jo āñkhoñ se

    faqat ik ḳhvāb

    duurī pe rahte haiñ

    jinheñ āñkheñ

    hazāroñ saal furqat ko

    oḌhe DhūñDtī haiñ

    hamesha jāgtī haiñ

    unhen DhunDho safar ki sham se pahle

    kisi anjam se pahle

    unhen DhunDo

    jo milne ki ghaDi mein

    hum se bichhDe the

    dilon se phuTte is gham se bichhDe the

    jo aankhen KHushk rakhta hai

    magar dahliz-e-jaan tak

    paniyon ko chhoD jata hai

    jo rasta dil ki galiyon se nikalta ho

    usi raste ki har ek samt ko

    wo moD jata hai

    masarrat ki hari shaKHon ko aa kar toD jata hai

    unhen DhunDo

    udasi ki kitabon se

    tamanna ke nisabon mein likhi

    tahrir ke mafhum se

    jis mein udasi ne

    KHud apni bebasi ka bab likkha tha

    shuur-e-zat ka

    dhundla sa ek ehsas likkha tha

    unhen DhunDo

    judai ki gali mein

    lauT aane ka sandesa chhoD kar

    ruKHsat hue the jo

    charaghon ne jinhen

    is aaKHiri saat mein dekha tha

    ki jab un ki lawen bujhne lagi thin

    aur jab KHud mein mukammal ho rahe the

    unhen DhunDo jo aankhon se

    faqat ek KHwab ki

    duri pe rahte hain

    jinhen aankhen

    hazaron sal ki furqat ko

    oDhe DhunDti hain

    hamesha jagti hain

    Source:

    • Book: Pakistani Adab (Pg. 116)
    • Author: Dr. Rashid Amjad
    • Publication: Pakistan Academy of Letters, Islambad, Pakistan (2009)
    • Edition: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites