urdu-e-mualla

Safi Lakhnavi

urdu-e-mualla

Safi Lakhnavi

MORE BY Safi Lakhnavi

    apne muñh se kah rahī hai saaf urdu zabāñ

    maulid-o-māvā hai merā kishvar-e-hindostāñ

    is ke af.āl-o-ravābit de rahe haiñ ḳhud nishāñ

    kis tarah paidā huī kyuuñ kar baḌhī pal kar yahāñ

    roz afzūñ husn har daur ik sayyāra hai

    hai dabistāñ lucknow dillī agar gahvāra hai

    muddatoñ sarkār-e-dehlī meñ rahī ye bāryāb

    ab tak urdu-e-muallā hai vahī shāhī ḳhitāb

    daur-daura lucknow meñ bhī thā qabl-az-inqalāb

    kar liyā thā nukta-sanjoñ ne isī ko intiḳhāb

    har adā-shīrīñ mazāq-e-pārsā-o-riñd meñ

    us tuutī boltā thā sabza-zār-e-hind meñ

    tajribe aañkh se dekhā jo is ko honhār

    company ne kar liyā apnā sharīk-e-kārobār

    daftaroñ meñ mahakmoñ meñ baḌh gayā uzv-e-vaqār

    jam gayā chalte hue sikkoñ pe naqsh-e-e'tibār

    jab quēn-victoriya ye sahelī ho ga.ī

    har zabāñ duniyā meñ is phir to chelī ho ga.ī

    fārsī hindī āmezish se hai is vajūd

    yādgār-e-ittihād-e-ahl-e-islām-o-hanūd

    dhuup chhāñ ke rañg hai vo qabā-e-hast-o-būd

    kār-gāh-e-hind se mansūb jis ke tār-o-pūd

    suft-o-sañgīñ libās-e-āriyat bārīk hai

    jāma-zebī se qad-e-mauzūñ par is ke Thiik hai

    thī mah-e-nau rafta rafta māh-e-kāmil ban ga.ī

    shā.irāna mahfiloñ meñ sham-e-mahfil ban ga.ī

    husn-e-fitrat adā-fahmī ke qābil ban ga.ī

    jab zabāñ tez nashtar se rag-e-dil ban ga.ī

    kyā qayāmat hai ki dil par kuchh asar lete nahīñ

    ho rahā hai ḳhuun is tum ḳhabar lete nahīñ

    khīñch do uTh kar qavā.id se hisār-e-āfiyat

    mil ke sab tayyār kar do jāma.a o maan.e luġhat

    dekhte ho aa.e din jo ho rahī hai is gat

    ik imārat hai havā par ho muallaq jis chhat

    is tarah ilmī sutūnoñ par ise qaa.em karo

    zalzala kaisā saḳht aa.e magar jumbish na ho

    har zabāñ lafz khap jaa.e ye vus.at is meñ hai

    har luġhat ke jazb kar lene tāqat is meñ hai

    brij-bhāshā meñ hai jo lazzat vo lazzat is meñ hai

    saaf qand-e-fārsī bhī halāvat is meñ hai

    raas juz shīr-o-shakar koī nahīñ is ko ḳhurish

    do zabāneñ chuus kar paa.ī hai is ne parvarish

    apne munh se kah rahi hai saf urdu ki zaban

    maulid-o-mawa hai mera kishwar-e-hindostan

    is ke afal-o-rawabit de rahe hain KHud nishan

    kis tarah paida hui kyun kar baDhi pal kar yahan

    roz afzun husn ka har daur ek sayyara hai

    hai dabistan lucknow dilli agar gahwara hai

    muddaton sarkar-e-dehli mein rahi ye baryab

    ab tak urdu-e-mualla hai wahi shahi KHitab

    daur-daura lucknow mein bhi tha qabl-az-inqalab

    kar liya tha nukta-sanjon ne isi ko intiKHab

    har ada-shirin mazaq-e-parsa-o-rind mein

    us ka tuti bolta tha sabza-zar-e-hind mein

    tajribe ki aankh se dekha jo is ko honhaar

    company ne kar liya apna sharik-e-karobar

    daftaron mein mahakmon mein baDh gaya uzw-e-waqar

    jam gaya chalte hue sikkon pe naqsh-e-e'tibar

    jab queen-wictoriya ki ye saheli ho gai

    har zaban duniya mein is ki phir to cheli ho gai

    farsi hindi ki aamezish se hai is ka wajud

    yaadgar-e-ittihad-e-ahl-e-islam-o-hanud

    dhup chhan ke rang ki hai wo qaba-e-hast-o-bud

    kar-gah-e-hind se mansub jis ke tar-o-pud

    suft-o-sangin ya libas-e-ariyat barik hai

    jama-zebi se qad-e-mauzun par is ke Thik hai

    thi mah-e-nau rafta rafta mah-e-kaamil ban gai

    shairana mahfilon mein sham-e-mahfil ban gai

    husn-e-fitrat ki ada-fahmi ke qabil ban gai

    jab zaban ki tez nashtar se rag-e-dil ban gai

    kya qayamat hai ki dil par kuchh asar lete nahin

    ho raha hai KHun is ka tum KHabar lete nahin

    khinch do uTh kar qawaid se hisar-e-afiyat

    mil ke sab tayyar kar do jama o mane lughat

    dekhte ho aae din jo ho rahi hai is ki gat

    ek imarat hai hawa par ho muallaq jis ki chhat

    is tarah ilmi sutunon par ise qaem karo

    zalzala kaisa hi saKHt aae magar jumbish na ho

    har zaban ka lafz khap jae ye wusat is mein hai

    har lughat ke jazb kar lene ki taqat is mein hai

    brij-bhasha mein hai jo lazzat wo lazzat is mein hai

    saf qand-e-farsi ki bhi halawat is mein hai

    ras juz shir-o-shakar koi nahin is ko KHurish

    do zabanen chus kar pai hai is ne parwarish

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY