aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wideo game

Saima Esma

wideo game

Saima Esma

MORE BYSaima Esma

    baTan āġhāz dabte maiñ ne

    rāstoñ meñ jā-ba-jā bikhrī huī quvvat

    har ik andāz se ḳhud meñ uñDelī thī

    kitābeñ aur sakhiyāñ ḳhvāb aur manzar

    sahīfoñ ke sunahre harf sab jholī meñ Daale the

    ḳhabar thī jis muhim-jūī pe niklī huuñ

    yahāñ chalnā musalsal raah daldal aur tavānā.ī mirā vāhid havāla hai

    baḌī muddat huī chalte hue mujh ko

    chaTTāneñ haiñ aur un ke ba.ad ik kaalā samundar hai

    hare uude jazīroñ se bharā hai

    jin pe paañv rakhtī jā.ūñ to samundar kuchh nahīñ kahtā

    ye dekho ek pal hai

    taḳhta taḳhta girtā jaatā hai

    use girne se pahle paar karnā hai

    ye taḳhte to bahāna haiñ

    mire paañv havā meñ haiñ

    ab aage saikḌoñ shāḳha koī chhitnār hai

    jis sabhī shāḳhoñ se ūñchī shāḳh par makkār dushman hai

    use mārnā hai mujhe bach kar nikalnā hai

    ye aglā marhala hai

    ab vo dushman dū-badū hai vaar kartā hai

    maiñ auñdhe muñh na-jāne kin nasheboñ meñ luḌhaktī huuñ

    uchhālā ḳhud ko detī huuñ

    to ik bālisht se har baar rahtī huuñ

    nahīñ maiñ is muhim-jūī se ghabrā.ī nahīñ huuñ

    fikr bas ye hai

    mire raste meñ ab quvvat nahīñ hai

    bas masāfat hai

    baTan aaghaz ka dabte hi main ne

    raston mein ja-ba-ja bikhri hui quwwat

    har ek andaz se KHud mein unDeli thi

    kitaben aur sakhiyan KHwab aur manzar

    sahifon ke sunahre harf sab jholi mein Dale the

    KHabar thi jis muhim-jui pe nikli hun

    yahan chalna musalsal rah daldal aur tawanai mera wahid hawala hai

    baDi muddat hui chalte hue mujh ko

    chaTTanen hain aur un ke baad ek kala samundar hai

    hare ude jaziron se bhara hai

    jin pe panw rakhti jaun to samundar kuchh nahin kahta

    ye dekho ek pal hai

    taKHta taKHta girta jata hai

    use girne se pahle par karna hai

    ye taKHte to bahana hain

    mere panw hawa mein hain

    ab aage saikDon shaKHa koi chhitnar hai

    jis ki sabhi shaKHon se unchi shaKH par makkar dushman hai

    use ya marna hai ya mujhe bach kar nikalna hai

    ye agla marhala hai

    ab wo dushman du-badu hai war karta hai

    main aundhe munh na-jaane kin nashebon mein luDhakti hun

    uchhaala KHud ko deti hun

    to ek baalisht se har bar rahti hun

    nahin main is muhim-jui se ghabrai nahin hun

    fikr bas ye hai

    mere raste mein ab quwwat nahin hai

    bas masafat hai

    Source:

    Gul-e-Dupahar (Pg. 29)

    • Author: Saima Asma
      • Edition: 2006
      • Publisher: Idarah Batool, Sayyed Palaza, Firozpur Road
      • Year of Publication: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now