visal ki tisri samt

ma.azarat chāhtā huuñ dost

maiñ ab intizār nahīñ kartā

balki ḳhud chal paḌtā huuñ apnī taraf

ek poshīda chaap ke ta.āqub meñ

ḳhud se bāhar nikaltā huuñ

aur apne hī jaise kisī hujūm kā hissa ban kar

apne vajūd par iktifā kartā huuñ

apnī amiiq raushnī se nayā janm lete hue

ḳhud kī bunat meñ bejoḌ hone kī kāvish

rā.egāñ nahīñ jaatī

suno!

samay ke bhed-bhāo meñ apnā taḳhmīna lagāte hue

zaat kī jamā-pūñjī meñ se

maiñ tumheñ apnī hissiyāt se mustarad nahīñ kartā

bisāt bhar sabr aur ek muTThī visāl ke evaz

maiñ tumheñ kashīd kartā huuñ apne atrāf se

aur gunjā.ish paidā kartā huuñ tumhārī mezbānī ke liye

kisī aur jihat se apne-āp meñ

lekin ma.azarat

maiñ intizār nahīñ kar saktā

apnī ragoñ meñ bahte hue us dukh ke pighalne kā

jo apne bahāv meñ merī tavajjoh bahā le jā saktā hai

apne saath

maiñ tai-shuda guzargāhoñ kā musāfir nahīñ

mujhe to har imkān se guzar kar aanā hai tumhārī samt

aur haañ...

maiñ to apnā bhī intizār nahīñ kartā huuñ ab!!!

mazarat chahta hun dost

main ab intizar nahin karta

balki KHud chal paDta hun apni taraf

ek poshida chap ke taaqub mein

KHud se bahar nikalta hun

aur apne hi jaise kisi hujum ka hissa ban kar

apne wajud par iktifa karta hun

apni amiq raushni se naya janm lete hue

KHud ki bunat mein bejoD hone ki kawish

raegan nahin jati

suno!

samay ke bhed-bhao mein apna taKHmina lagate hue

zat ki jama-punji mein se

main tumhein apni hissiyat se mustarad nahin karta

bisat bhar sabr aur ek muTThi visal ke ewaz

main tumhein kashid karta hun apne atraf se

aur gunjaish paida karta hun tumhaari mezbani ke liye

kisi aur jihat se apne-ap mein

lekin mazarat

main intizar nahin kar sakta

apni ragon mein bahte hue us dukh ke pighalne ka

jo apne bahaw mein meri tawajjoh baha le ja sakta hai

apne sath

main tai-shuda guzargahon ka musafir nahin

mujhe to har imkan se guzar kar aana hai tumhaari samt

aur han

main to apna bhi intizar nahin karta hun ab!!!