وہ مر گئی تھی
اس کے زہری ہونٹ کالے پڑ گئے تھے
اس کی آنکھوں میں
ادھوری خواہشوں کے دیوتاؤں کے
جنازے گڑ گئے تھے
اس کے چہرے کی شفق کا رنگ
گھائل ہو چکا تھا
اس کے جلتے جسم کی خوشبو کا سورج
پربتوں کی چوٹیوں سے نیچے گر کر
ٹکڑے ٹکڑے ہو چکا تھا
اس کی چھاتی پر
سلگتے چاند کے سایوں کے پتھر
راستہ روکے کھڑے تھے
اس کے جلتے جسم کے جھلسے ہوئے صحرا میں
پیلی حسرتوں کے آسماں
پیاسے پڑے تھے
بند کمرے میں
مری موجودگی سے ڈر گئی تھی
وہ مر گئی تھی
مأخذ:
Hashr ki subh darakhshaz ho (Pg. 186)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
