wo moD

phir tirī titlī-numā sūrat mujhe yaad aa ga.ī

mujh ko vo lamha abhī bhūlā nahīñ

ek kone meñ ka.ī logoñ ke saath

guftugū meñ munhamik khoyā huā

merī ā.ankhoñ ne kabhī tujh sā koī dekhā na thā

maiñ tujhe takne lagā

der tak taktā rahā

aañkh se kānoñ se hoñToñ se tujhe taktā rahā

kyā ajab dīvāngī thī

rashk aayā baḳht pe apne mujhe

lafz ke asrār mujh pe vā hue

ghanTiyāñ sī mere kānoñ meñ bajīñ

nuur ke sailāb meñ Duubī huī is shaam kī

ek ik saa.at tire ham-rāh hai

ruk gayā hai vaqt is ik moḌ par

maiñ judā.ī ke liye majbūr thā

tū judā.ī par jahāñ masrūr thā

phir teri titli-numa surat mujhe yaad aa gai

mujh ko wo lamha abhi bhula nahin

ek kone mein kai logon ke sath

guftugu mein munhamik khoya hua

meri aaankhon ne kabhi tujh sa koi dekha na tha

main tujhe takne laga

der tak takta raha

aankh se kanon se honTon se tujhe takta raha

kya ajab diwangi thi

rashk aaya baKHt pe apne mujhe

lafz ke asrar mujh pe wa hue

ghanTiyan si mere kanon mein bajin

nur ke sailab mein Dubi hui is sham ki

ek ek saat tere ham-rah hai

ruk gaya hai waqt is ek moD par

main judai ke liye majbur tha

tu judai par jahan masrur tha