aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Weapons of mas Destruction

Ali Imran

Weapons of mas Destruction

Ali Imran

MORE BYAli Imran

    koī hai

    koī baġhdād fariyād suntā hai

    koī hogā jise āvāz aatī ho

    kisī dushman ke Tāpoñ

    dhamākoñ

    irāqī kokh ko yuuñ rauñdte haiñ

    tank dushman ke

    ki zaḳhm ḳhuun thūkne lage baġhdādī badan ke

    furāt-o-dajla ke paanī ko kis ne ḳhaak kar Daalā

    ki dushman ne mirī jannat ko bhī nāpāk kar Daalā

    alf-lailā shahzādī ke kapḌe phaaḌ Daale haiñ

    farañgī ne mire bachpan ke qisse phaaḌ Daale haiñ

    badan jalte hue bachchoñ ye bujhtī huī āñkheñ

    irāqī āsmāñ se sar uThā kar bas yahī pūchheñ

    abābīleñ utartī kyuuñ nahīñ dikhtīñ zamīnoñ par

    hamāre dushmanoñ ke sard sīnoñ par

    vo bachche jānte kab haiñ

    abābīleñ shahr se duur apne ghoñsloñ meñ

    sair ho kar niiñd meñ gum haiñ

    vo bachche jānte kab haiñ

    abābīleñ abābīleñ nahīñ haiñ

    maiñ aur tum haiñ

    vo bachche jānte kab haiñ

    ki un ke ḳhuun ke qatre hamārī sarhadoñ tak

    aate aate suukh jaate haiñ

    hamārī had hai aur sarhad bhī hai hākim ke hukm se

    ḳhudā hukm hai chhoTā yahāñ zālim ke hukm se

    sharāboñ meñ Dubo haiñ mire hākim ne shamshīreñ

    jilā haiñ sabhī aabā tasvīreñ

    musalmānoñ taqdīreñ

    mire bachcho

    mire baġhdād ke siine pe paḌe adh-mare bachcho

    koī iisā na aa.egā masīhā.ī koī le kar

    tumhārī ham se jo ummīd hai

    vo be-samar hai

    hamārī apnī zamīñ hai

    hamārā apnā bhī ghar hai

    tumhārī aas andhī hai tumhārā ḳhvāb kaalā hai

    hamāre daur mariyam ne iisā maar Daalā hai

    koi hai

    koi baghdad ki fariyaad sunta hai

    koi hoga jise aawaz aati ho

    kisi dushman ke Tapon ki

    dhamakon ki

    iraqi kokh ko yun raundte hain

    tank dushman ke

    ki zaKHm KHun thukne lage baghdadi badan ke

    furaat-o-dajla ke pani ko kis ne KHak kar Dala

    ki dushman ne meri jannat ko bhi napak kar Dala

    alf-laila shahzadi ke kapDe phaD Dale hain

    farangi ne mere bachpan ke qisse phaD Dale hain

    badan jalte hue bachchon ki ye bujhti hui aankhen

    iraqi aasman se sar uTha kar bas yahi puchhen

    ababilen utarti kyun nahin dikhtin zaminon par

    hamare dushmanon ke sard sinon par

    wo bachche jaante kab hain

    ababilen shahr se dur apne ghonslon mein

    sair ho kar nind mein gum hain

    wo bachche jaante kab hain

    ababilen ababilen nahin hain

    main aur tum hain

    wo bachche jaante kab hain

    ki un ke KHun ke qatre hamari sarhadon tak

    aate aate sukh jate hain

    hamari had hai aur sarhad bhi hai hakim ke hukm se

    KHuda ka hukm hai chhoTa yahan zalim ke hukm se

    sharabon mein Dubo di hain mere hakim ne shamshiren

    jila di hain sabhi aaba ki taswiren

    musalmanon ki taqdiren

    mere bachcho

    mere baghdad ke sine pe paDe adh-mare bachcho

    koi isa na aaega masihai koi le kar

    tumhaari hum se jo ummid hai

    wo be-samar hai

    hamari apni zamin hai

    hamara apna bhi ghar hai

    tumhaari aas andhi hai tumhaara KHwab kala hai

    hamare daur ki mariyam ne isa mar Dala hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now