yaad ke tohfe

mehrbānī pe tirī yaad kī qurbāñ jā.ūñ

yād-e-jānāñ kā koī vaqt muqarrar to nahīñ hai lekin

bārhā dil ke fusūñ-ḳhāne meñ

shaam ke baa'd tirī yaad aa.ī

shaam is yaad kī sauġhāt ke saath ai hamdam

ba-sad-īsār-o-ḳhulūs aur bhī tohfe laa.ī

dard-e-dil laa.ī

ki dil sūrat-e-sīmāb machal kar dikhlā.e

ḳhauf-e-jāñ laa.ī

ki jaañ tan ke darīchoñ ko hilā kar rakh de

bā'd-azāñ

soz-e-nihāñ vahshat-e-jāñ ashk-e-ravāñ bhī laa.ī

aur phir surḳhī-e-ḳhūñ meñ Duubā

lauh-e-hastī liye ek nishāñ bhī laa.ī

mehrbānī pe tirī yaad kī qurbāñ jā.ūñ

mehrbani pe teri yaad ki qurban jaun

yaad-e-jaanan ka koi waqt muqarrar to nahin hai lekin

barha dil ke fusun-KHane mein

sham ke ba'd teri yaad aai

sham is yaad ki saughat ke sath ai hamdam

ba-sad-isar-o-KHulus aur bhi tohfe lai

dard-e-dil lai

ki dil surat-e-simab machal kar dikhlae

KHauf-e-jaan lai

ki jaan tan ke darichon ko hila kar rakh de

ba'd-azan

soz-e-nihan wahshat-e-jaan ashk-e-rawan bhi lai

aur phir surKHi-e-KHun mein Duba

lauh-e-hasti liye ek nishan bhi lai

mehrbani pe teri yaad ki qurban jaun