zaban-daraaz

maiñ apnī bīmārī batāne se ma.azūr huuñ

mujhe zabān kī ajiib bīmārī ho ga.ī hai

so guftugū se parhez karne par majbūr huuñ

merā lahja karaḳht aur āvāz bhārī ho ga.ī hai

zabān meñ fī lafz ek inch izāfa ho rahā hai

pahle bhī to ye kāñdhoñ par paḌī thī

tumheñ merī mushkil kā andāza ho rahā hai

tum jo mujh se baat karne par aḌī thiiñ

āḳhirī takrār ke baad maiñ ne zabān sameT lī hai

ab maiñ ek lafz bhī mazīd nahīñ bolūñgā

khīñch-tān kar zabān apne badan par lapeT lī hai

duā nahīñ karūñgā girah nahīñ kholūñgā

har paslī dūsrī paslī meñ dhañstī jā rahī hai

merī zabān mere badan par kastī jā rahī hai

main apni bimari batane se mazur hun

mujhe zaban ki ajib bimari ho gai hai

so guftugu se parhez karne par majbur hun

mera lahja karaKHt aur aawaz bhaari ho gai hai

zaban mein fi lafz ek inch izafa ho raha hai

pahle bhi to ye kandhon par paDi thi

tumhein meri mushkil ka andaza ho raha hai

tum jo mujh se baat karne par aDi thin

aaKHiri takrar ke baad main ne zaban sameT li hai

ab main ek lafz bhi mazid nahin bolunga

khinch-tan kar zaban apne badan par lapeT li hai

dua nahin karunga girah nahin kholunga

har pasli dusri pasli mein dhansti ja rahi hai

meri zaban mere badan par kasti ja rahi hai