zinda pani sachcha

Saqi Faruqi

zinda pani sachcha

Saqi Faruqi

MORE BYSaqi Faruqi

    pul ke nīche jhāñk ke dekho aaj nadī tūfānī hai

    biphrī lahreñ jhaag uḌātī haiñ kyā zinda paanī hai

    aur bhañvar pul ke be-rañg sutūnoñ se Takrāte haiñ

    jin par bojh hai us pul vo shāne TuuTe jaate haiñ

    vo ik kubḌā peḌ nadī par yuuñ jhuk aayā hai jaise

    ek kināra haath baḌhā kar dūsre se milnā chāhe

    duur ik meDak chīḳh rahā hai, ḳhatroñ se āzād huuñ maiñ

    is se baḌh kar ġhārat-gar tūfān nazar se guzre haiñ

    ik paanī saañp na jaane kab se us taak meñ hai

    vo bhī jāntā hai ye raaz ki milnā āḳhir ḳhaak meñ hai

    ek qamīs chalī aatī hai jaane kahāñ se bahtī huī

    jis meñ nāḳhun gaaḌ diye haiñ ab ik aabī jhāḌī ne

    is mālik bichhaḌ gayā hai ye bhī us ke paas chalī

    ik bahte darvāze par ik bhīgī billī baiThī hai

    jo aane vaale lamhoñ bābat sochtī jaatī hai

    sochte sochte us āñkheñ ho jā.eñgī sehr-zada

    aur us ke bāloñ resham paanī meñ mil jā.egā

    lahar ik dīvār girī aur bulbule dab kar TuuT ga.e

    jin phūTtī āñkhoñ se kuchh ḳhvāb nikal kar bhaag chale

    ye ḳhvāboñ ke dekhne vaale āḳhir kyuuñ nahīñ sochte haiñ

    sab afsāne jhūTe haiñ, sab ḳhvāb bikharne vaale haiñ

    is lā-fānī jhuuT ke pīchhe sach hai agar to itnā hai

    ye sab kuchh hotā rahtā hai paanī bahtā rahtā hai

    pul ke niche jhank ke dekho aaj nadi tufani hai

    biphri lahren jhag uDati hain kya zinda pani hai

    aur bhanwar pul ke be-rang sutunon se Takraate hain

    jin par bojh hai us pul ka wo shane TuTe jate hain

    wo ek kubDa peD nadi par yun jhuk aaya hai jaise

    ek kinara hath baDha kar dusre se milna chahe

    dur ek meDak chiKH raha hai, KHatron se aazad hun main

    is se baDh kar ghaarat-gar tufan nazar se guzre hain

    ek pani ka sanp na jaane kab se us ki tak mein hai

    wo bhi jaanta hai ye raaz ki milna aaKHir KHak mein hai

    ek qamis chali aati hai jaane kahan se bahti hui

    jis mein naKHun gaD diye hain ab ek aabi jhaDi ne

    is ka malik bichhaD gaya hai ye bhi us ke pas chali

    ek bahte darwaze par ek bhigi billi baiThi hai

    jo aane wale lamhon ki babat sochti jati hai

    sochte sochte us ki aankhen ho jaengi sehr-zada

    aur us ke baalon ka resham pani mein mil jaega

    lahar ki ek diwar giri aur bulbule dab kar TuT gae

    jin ki phuTti aankhon se kuchh KHwab nikal kar bhag chale

    ye KHwabon ke dekhne wale aaKHir kyun nahin sochte hain

    sab afsane jhuTe hain, sab KHwab bikharne wale hain

    is la-fani jhuT ke pichhe sach hai agar to itna hai

    ye sab kuchh hota rahta hai pani bahta rahta hai

    RECITATIONS

    Nomaan Shauque

    Nomaan Shauque

    Nomaan Shauque

    zinda pani sachcha Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY