kaun suntā hai aap kī āvāz

kyā zarūrat hai be-zabānī kī

kaun sunta hai aap ki aawaz

kya zarurat hai be-zabani ki

ab to mirā shabāb ḳhizāoñ kī nazr hai

ab chashm-e-iltifāt kisī kaam kī nahīñ

ab to mera shabab KHizaon ki nazr hai

ab chashm-e-iltifat kisi kaam ki nahin

abr-e-bahār bād-e-sabā apnī raah leñ

majnūñ ko kā.enāt kisī kaam kī nahīñ

abr-e-bahaar baad-e-saba apni rah len

majnun ko kaenat kisi kaam ki nahin

dast-e-sabā ke haath meñ kyā hai ba-juz havā

ḳhush-kun to is ko merī tabī'at banā.egī

dast-e-saba ke hath mein kya hai ba-juz hawa

KHush-kun to is ko meri tabi'at banaegi

jalte dil ko raam kiyā to yaad aayā

ulTī cigarette raakh huī be-dhyānī meñ

jalte dil ko ram kiya to yaad aaya

ulTi cigarette rakh hui be-dhyani mein