maat khaa.ī hai aksar shaah ne payāde se

farq kuchh nahīñ paḌtā taaj aur libāde se

mat khai hai aksar shah ne payaade se

farq kuchh nahin paDta taj aur libaade se

haal pūchhte kyā ho qissa muḳhtasar ye hai

ghar na ban sakā ab tak jo makāñ banāyā thā

haal puchhte kya ho qissa muKHtasar ye hai

ghar na ban saka ab tak jo makan banaya tha

apne rasm-o-rivāj kho baiThe

baaqī ab ḳhāndān meñ kyā hai

apne rasm-o-riwaj kho baiThe

baqi ab KHandan mein kya hai

aañkh lagne na paa.ī sahar ho ga.ī

zindagī be-irāda basar ho ga.ī

aankh lagne na pai sahar ho gai

zindagi be-irada basar ho gai

ghaTā.eñ khul ke barsīñ thiiñ chaḌhe the dil ke dariyā bhī

chaḌhe dariyāoñ kā ik din utarnā bhī zarūrī thā

ghaTaen khul ke barsin thin chaDhe the dil ke dariya bhi

chaDhe dariyaon ka ek din utarna bhi zaruri tha

vaar pusht par karke kyā milā tumheñ āḳhir

ek pal meñ kho baiThe e'tibār jitnā thā

war pusht par karke kya mila tumhein aaKHir

ek pal mein kho baiThe e'tibar jitna tha

ye sahn-e-arz-e-haram hai ba-ehtiyāt qadam

bahut qarīb ḳhudā hai zarā sañbhal ke chalo

ye sahn-e-arz-e-haram hai ba-ehtiyat qadam

bahut qarib KHuda hai zara sanbhal ke chalo

jab bhī aañkh lage maiñ dekhūñ ek suhānī sūrat

devī thī vo ruup kī raanī yā patthar kī mūrat

jab bhi aankh lage main dekhun ek suhani surat

dewi thi wo rup ki rani ya patthar ki murat

vo jis ke hone se apne the sub.h-o-shām 'adīl'

gayā vo ruuTh ke mujh se to ghar ajab sā lagā

wo jis ke hone se apne the subh-o-sham 'adil'

gaya wo ruTh ke mujh se to ghar ajab sa laga

vo jis se merī zaat meñ bikhrī thī raushnī

vo ḳhvāb vo ḳhayāl vo paikar nahīñ rahā

wo jis se meri zat mein bikhri thi raushni

wo KHwab wo KHayal wo paikar nahin raha

fikr-e-rasā pe jis kī khuleñ āsmāñ ke raaz

aisā koī 'adīl' qad-āvar nahīñ rahā

fikr-e-rasa pe jis ki khulen aasman ke raaz

aisa koi 'adil' qad-awar nahin raha