Sher of Adnan Naseer
itnī masrūfiyat meñ terā ḳhayāl
mujh ko fursat milī to kyā hogā
itni masrufiyat mein tera KHayal
mujh ko fursat mili to kya hoga
maiñ ne tā'rīf kī hai hoñToñ kī
aap to muñh banāne lag gaye haiñ
main ne ta'rif ki hai honTon ki
aap to munh banane lag gaye hain
merā beTā bhī mujh pe hai yā'nī
'ishq nasloñ kā pīchhā kartā hai
mera beTa bhi mujh pe hai ya'ni
'ishq naslon ka pichha karta hai
maiñ nahīñ detā zindagī kā hisāb
kyā mujhe pūchh kar banāyā thā
main nahin deta zindagi ka hisab
kya mujhe puchh kar banaya tha
tamām pichhlī mohabbateñ be-naqāb hoñgī
na.e ta'alluq meñ tajraba bolne lagā hai
tamam pichhli mohabbaten be-naqab hongi
nae ta'alluq mein tajraba bolne laga hai
ye vo sadī hai ki banda ḳhudā talak pahuñche
aur is sadī meñ bhī jis ko tirā pata na mile
ye wo sadi hai ki banda KHuda talak pahunche
aur is sadi mein bhi jis ko tera pata na mile
kāfirī bhiik meñ nahīñ miltī
ḳhud pe īmān laanā paḌtā hai
kafiri bhik mein nahin milti
KHud pe iman lana paDta hai
