وقت کی کوکھ میں سلگتا سا

میری ہستی کا غم پہیلی ہے

ہم تو اک تل پہ ہی بس خود کو فنا کر بیٹھے

اور کتنے ہیں جمالات کہاں جانتے ہیں

زندہ لوگوں کو نوالوں سا چبانے والے

میری میت پہ بھی آئیں گے خدا خیر کرے

مانگ لیتے ہیں بھروسے پہ کہ وہ دے دے گا

ہم خطا کار مناجات کہاں جانتے ہیں

ہار کو جیت کے پہلو میں بٹھا دیتے ہیں

ایسا کرتے ہیں چلو ہاتھ ملا لیتے ہیں

نکل گیا جو کہانی سے میں تمہاری کہیں

کسی کو کچھ نہ بتاؤگے مرتے جاؤ گے

شاید وہ جا چکا ہے مگر دیکھ لو کہیں

چاہت کے امتحان میں اب تک یہیں نہ ہو

آپ واقف ہیں مرے دوست حسیں لفظوں سے

بدلے لہجوں کی کرامات کہاں جانتے ہیں

ڈر تو نہیں مگر کہیں پتوں کے شور سے

دل کو گماں ہے آج کوئی حادثہ نہ ہو

سچ کا نکھرا لباس پہنے ہوئے

جھوٹ نکلا ہے وار کرنے کو

یہ اس کا کھیل ہے جس کھیل میں ہر بار وہ یارو

مسلسل ہار کے بھی مجھ سے آخر جیت جاتا ہے

ضربیں دے کر پلٹ کے دیکھا تو

منفی حاصل تھا پر وہ مثبت تھا

در بدر میں ہی نہیں وقت بھی ان راہوں پر

زخمی احساس کی سنگت میں دکھی دکھتا ہے

ذات کی نرمی ذہنی ٹھنڈک شفقت ساری دنیا کی

اس نے رکھ دی مسجد دل میں جگ کی ساری ماؤں میں

ہاتھ چہرے پہ لگاتے ہی وہ گھبرا سی گئیں

میری چیخوں کے تبسم سے ملیں جب بانہیں

لکھوا دئے ہیں رب کو سبھی ظالموں کے نام

آئے گی سب کی باری ذرا دیکھتے رہو