Afzal Khan's Photo'

Afzal Khan

1975 | Bahawalpur, Pakistan

Sher of Afzal Khan

9.4K
Favorite

SORT BY

bhī saada hai kabhī chaal badaltā nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain

bichhaḌne irāda hai to mujh se mashvara kar lo

mohabbat meñ koī bhī faisla zaatī nahīñ hotā

bichhaDne ka irada hai to mujh se mashwara kar lo

mohabbat mein koi bhi faisla zati nahin hota

shikast-e-zindagī vaise bhī maut hai

sach batā ye mulāqāt āḳhrī hai

shikast-e-zindagi waise bhi maut hi hai na

tu sach bata ye mulaqat aaKHri hai na

ab jo patthar hai aadmī thā kabhī

is ko kahte haiñ intizār miyāñ

ab jo patthar hai aadmi tha kabhi

is ko kahte hain intizar miyan

logoñ ne ārām kiyā aur chhuTTī puurī

yakum may ko bhī mazdūroñ ne mazdūrī

logon ne aaram kiya aur chhuTTi puri ki

yakum may ko bhi mazduron ne mazduri ki

itnī saarī yādoñ ke hote bhī jab dil meñ

vīrānī hotī hai to hairānī hotī hai

itni sari yaadon ke hote bhi jab dil mein

virani hoti hai to hairani hoti hai

mujhe ronā nahīñ āvāz bhī bhārī nahīñ karnī

mohabbat kahānī meñ adākārī nahīñ karnī

mujhe rona nahin aawaz bhi bhaari nahin karni

mohabbat ki kahani mein adakari nahin karni

banā rakkhī haiñ dīvāroñ pe tasvīreñ parindoñ

vagarna ham to apne ghar vīrānī se mar jaa.eñ

bana rakkhi hain diwaron pe taswiren parindon ki

wagarna hum to apne ghar ki virani se mar jaen

maiñ ḳhud bhī yaar tujhe bhūlne ke haq meñ huuñ

magar jo biich meñ kam-baḳht shā.irī hai

main KHud bhi yar tujhe bhulne ke haq mein hun

magar jo bich mein kam-baKHt shairi hai na

der se aane par vo ḳhafā thā āḳhir maan gayā

aaj maiñ apne baap se milne qabristān gayā

der se aane par wo KHafa tha aaKHir man gaya

aaj main apne bap se milne qabristan gaya

hamārā dil zarā uktā gayā thā ghar meñ rah rah kar

yūñhī bāzār aa.e haiñ ḳharīdārī nahīñ karnī

hamara dil zara ukta gaya tha ghar mein rah rah kar

yunhi bazar aae hain KHaridari nahin karni

nahīñ thā dhyān koī toḌte hue cigarette

maiñ tujh ko bhuul gayā chhoḌte hue cigarette

nahin tha dhyan koi toDte hue cigarette

main tujh ko bhul gaya chhoDte hue cigarette

ye mohabbat ke mahal ta.amīr karnā chhoḌ de

maiñ bhī shahzāda nahīñ huuñ bhī shahzādī nahīñ

ye mohabbat ke mahal tamir karna chhoD de

main bhi shahzada nahin hun tu bhi shahzadi nahin

roz jis ke tajassus meñ aa rahā hai yahāñ

hazār baar batāyā hai vo nahīñ huuñ meñ

tu roz jis ke tajassus mein aa raha hai yahan

hazar bar bataya hai wo nahin hun mein

kisī ne ḳhvāb meñ aakar mujhe ye hukm diyā

tum apne ashk bhī bhejā karo duāoñ ke saath

kisi ne KHwab mein aakar mujhe ye hukm diya

tum apne ashk bhi bheja karo duaon ke sath

jaane kyā kyā zulm parinde dekh ke aate haiñ

shaam Dhale peḌoñ par marsiya-ḳhvānī hotī hai

jaane kya kya zulm parinde dekh ke aate hain

sham Dhale peDon par marsiya-KHwani hoti hai

isī liye hameñ ehsās-e-jurm hai shāyad

abhī hamārī mohabbat na.ī na.ī hai

isi liye hamein ehsas-e-jurm hai shayad

abhi hamari mohabbat nai nai hai na

sāthiyo ab mujhe raste meñ utarnā hogā

Dūbtī naav bachāne nahīñ hal koī aur

sathiyo ab mujhe raste mein utarna hoga

Dubti naw bachane ka nahin hal koi aur

ye jo kuchh log ḳhayāloñ meñ rahā karte haiñ

un ghar-bār bhī hotā hai nahīñ bhī hotā

ye jo kuchh log KHayalon mein raha karte hain

un ka ghar-bar bhi hota hai nahin bhi hota

hamāre saañs bhī le kar na bach sake afzal

ye ḳhāk-dān meñ dam toḌte hue cigarette

hamare sans bhi le kar na bach sake afzal

ye KHak-dan mein dam toDte hue cigarette

Dubo rahā hai mujhe Dūbne ḳhauf ab tak

bhañvar ke biich huuñ dariyā ke paar hote hue

Dubo raha hai mujhe Dubne ka KHauf ab tak

bhanwar ke bich hun dariya ke par hote hue

mujhe tañg na kar a dil-e-āvāra-mizāj

tujh ko is shahr meñ laanā nahīñ chāhiye thā

tu mujhe tang na kar a dil-e-awara-mizaj

tujh ko is shahr mein lana hi nahin chahiye tha

ye kah diyā hai mire āñsuoñ ne tañg aa kar

hameñ ba-vaqt-e-zarūrat nikāliye sāhab

ye kah diya hai mere aansuon ne tang aa kar

hamein ba-waqt-e-zarurat nikaliye sahab

parinde laḌ paḌe jā.edād par āḳhir

shajar pe likkhā huā hai shajar barā.e-faroḳht

parinde laD hi paDe jaedad par aaKHir

shajar pe likkha hua hai shajar barae-faroKHt

tere jaane se zyāda haiñ na kam pahle the

ham ko lāhaq haiñ vahī ab bhī jo ġham pahle the

tere jaane se zyaada hain na kam pahle the

hum ko lahaq hain wahi ab bhi jo gham pahle the

tabhī to maiñ mohabbat havālātī nahīñ hotā

yahāñ apne sivā koī mulāqātī nahīñ hotā

tabhi to main mohabbat ka hawalati nahin hota

yahan apne siwa koi mulaqati nahin hota

ye nukta ik qissa-go ne mujh ko samjhāyā

har kirdār ke andar ek kahānī hotī hai

ye nukta ek qissa-go ne mujh ko samjhaya

har kirdar ke andar ek kahani hoti hai

tirī masnad pe koī aur nahīñ aa saktā

ye mirā dil hai koī ḳhālī asāmī to nahīñ

teri masnad pe koi aur nahin aa sakta

ye mera dil hai koi KHali asami to nahin

dālān meñ sabza hai na tālāb meñ paanī

kyuuñ koī parinda mirī dīvār pe utre

dalan mein sabza hai na talab mein pani

kyun koi parinda meri diwar pe utre

ye bhī ḳhud ko hausla dene hiila hai ki maiñ

uñgliyoñ se likh rahā huuñ chaar lā-taqnatū

ye bhi KHud ko hausla dene ka hila hai ki main

ungliyon se likh raha hun chaar su la-taqnatu

bhaav taao meñ kamī beshī nahīñ ho saktī

haañ magar tujh se ḳharīdār ko kaise ho

bhaw tao mein kami beshi nahin ho sakti

han magar tujh se KHaridar ko na kaise ho

zarā ye dūsrā misra.a durust farmā.eñ

mire makān pe likkhā hai ghar barā.e-faroḳht

zara ye dusra misra durust farmaen

mere makan pe likkha hai ghar barae-faroKHt

sazā-e-maut pe fariyād se to behtar hai

gale lagā ke kahūñ daar ko mubārak baad

saza-e-maut pe fariyaad se to behtar hai

gale laga ke kahun dar ko mubarak baad

ik vaDera kuchh maveshī le ke baiThā hai yahāñ

gaañv jitnī bhī ābādī hai ābādī nahīñ

ek waDera kuchh maweshi le ke baiTha hai yahan

ganw ki jitni bhi aabaadi hai aabaadi nahin

chhoḌ kar mujh ko tire sahn maiñ baiThā hai

paḌ ga.ī jaise tire sāya-e-dīvār maiñ jaan

chhoD kar mujh ko tere sahn main ja baiTha hai

paD gai jaise tere saya-e-diwar main jaan