kabhī jo yaar ko dekhā to ḳhvāb meñ dekhā

mirī murād bhī aa.ī to musta.ār aa.ī

kabhi jo yar ko dekha to KHwab mein dekha

meri murad bhi aai to mustaar aai

ḳhalvat-sarā-e-yār meñ pahuñchegā kyā koī

vo band-o-bast hai ki havā kā guzar nahīñ

KHalwat-sara-e-yar mein pahunchega kya koi

wo band-o-bast hai ki hawa ka guzar nahin

kyā ḳhudā haiñ jo bulā.eñ to vo aa hī na sakeñ

ham ye kahte haiñ ki aa jaa.eñ to jā hī na sakeñ

kya KHuda hain jo bulaen to wo aa hi na saken

hum ye kahte hain ki aa jaen to ja hi na saken

likkhā hai jo taqdīr meñ hogā vahī ai dil

sharminda na karnā mujhe tū dast-e-duā kā

likkha hai jo taqdir mein hoga wahi ai dil

sharminda na karna mujhe tu dast-e-dua ka

tez kab tak hogī kab tak baaḌh rakkhī jā.egī

ab to ai qātil tirī shamshīr aadhī rah ga.ī

tez kab tak hogi kab tak baDh rakkhi jaegi

ab to ai qatil teri shamshir aadhi rah gai