Agha Hashr Kashmiri's Photo'

Agha Hashr Kashmiri

1879 - 1935 | Lahore, Pakistan

Most prominent playwright and poet who strengthened the tradition of play writing in Urdu language

Most prominent playwright and poet who strengthened the tradition of play writing in Urdu language

ye khule khule se gesū inheñ laakh sañvāre

mire haath se sañvarte to kuchh aur baat hotī

ye khule khule se gesu inhen lakh tu sanware

mere hath se sanwarte to kuchh aur baat hoti

yaad meñ terī jahāñ ko bhūltā jaatā huuñ maiñ

bhūlne vaale kabhī tujh ko bhī yaad aatā huuñ maiñ

yaad mein teri jahan ko bhulta jata hun main

bhulne wale kabhi tujh ko bhi yaad aata hun main

goyā tumhārī yaad merā ilaaj hai

hotā hai pahroñ zikr tumhārā tabīb se

goya tumhaari yaad hi mera ilaj hai

hota hai pahron zikr tumhaara tabib se

sab kuchh ḳhudā se maañg liyā tujh ko maañg kar

uThte nahīñ haiñ haath mire is duā ke ba.ad

sab kuchh KHuda se mang liya tujh ko mang kar

uThte nahin hain hath mere is dua ke baad

go havā-e-gulsitāñ ne mire dil laaj rakh

vo naqāb ḳhud uThāte to kuchh aur baat hotī

go hawa-e-gulsitan ne mere dil ki laj rakh li

wo naqab KHud uThate to kuchh aur baat hoti

go haram ke rāste se vo pahuñch ga.e ḳhudā tak

tirī rahguzar se jaate to kuchh aur baat hotī

go haram ke raste se wo pahunch gae KHuda tak

teri rahguzar se jate to kuchh aur baat hoti

hashr meñ insāf hogā bas yahī sunte raho

kuchh yahāñ hotā rahā hai kuchh vahāñ ho jā.egā

hashr mein insaf hoga bas yahi sunte raho

kuchh yahan hota raha hai kuchh wahan ho jaega

ek dhundlā tasavvur hai ki dil bhī thā yahāñ

ab to siine meñ faqat ik Tiis paatā huuñ maiñ

ek dhundla sa tasawwur hai ki dil bhi tha yahan

ab to sine mein faqat ek Tis si pata hun main

nik.hat-e-sāġhar-e-gul ban ke uḌā jaatā huuñ

liye jaatā hai kahāñ bāda-e-sar-josh mujhe

nikhat-e-saghar-e-gul ban ke uDa jata hun

liye jata hai kahan baada-e-sar-josh mujhe