chappa chappa us kī galī kā rahā hai mere zer-e-qadam

josh-e-junūñ se azm-e-safar tak ek kahānī biich meñ hai

chappa chappa us ki gali ka raha hai mere zer-e-qadam

josh-e-junun se azm-e-safar tak ek kahani bich mein hai

rūThne aur manāne ke ehsās meñ hai ik kaif-o-surūr

maiñ ne hamesha use manāyā vo bhī mujhe manā.e to

ruThne aur manane ke ehsas mein hai ek kaif-o-surur

main ne hamesha use manaya wo bhi mujhe manae to

zindagī us ne badal kar mirī rakh dī aisī

na mujhe chain na ārām hai kyā arz karūñ

zindagi us ne badal kar meri rakh di aisi

na mujhe chain na aaram hai kya arz karun

samajh rahā thā jise ḳhair-ḳhvāh maiñ apnā

vahī hai dushman-e-jāñ merā sab se baḌh kar aaj

samajh raha tha jise KHair-KHwah main apna

wahi hai dushman-e-jaan mera sab se baDh kar aaj

sisakte the bachche bilaktī thiiñ maa.eñ

jo insān bhī pyaas se nā-tavāñ thā

sisakte the bachche bilakti thin maen

jo insan bhi pyas se na-tawan tha

huā karbalā meñ jo qurbān 'barqī'

husain ibn-e-haidar kā vo ḳhāndāñ thā

hua karbala mein jo qurban 'barqi'

husain ibn-e-haidar ka wo KHandan tha

ajab ḳhūñ-chakāñ karbalā kā samāñ thā

the sab tishna-lab aur dariyā ravāñ thā

ajab KHun-chakan karbala ka saman tha

the sab tishna-lab aur dariya rawan tha

is haal meñ kab tak yūñhī ghuT ghuT ke jiyūñgā

rūThā hai vo aise ki manā bhī nahīñ saktā

is haal mein kab tak yunhi ghuT ghuT ke jiyunga

ruTha hai wo aise ki mana bhi nahin sakta

ab maiñ huuñ aur ḳhvāb-e-pareshāñ hai mere saath

kitnā paḌegā aur abhī jāgnā mujhe

ab main hun aur KHwab-e-pareshan hai mere sath

kitna paDega aur abhi jagna mujhe